လောင်းလုံးမြို့နယ်တွင် စစ်အာဏာရှင်ဆန့်ကျင်ရေး ဆန္ဒပြ - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။ contact; kanbawzatai.editor@gmail.com

လောင်းလုံးမြို့နယ်တွင် စစ်အာဏာရှင်ဆန့်ကျင်ရေး ဆန္ဒပြ


ချင်းတိုင်းရင်းသား ကျောင်းသားခေါင်းဆောင် ဆလိုင်းတင်မောင်ဦး ကျဆုံးခြင်း ၄၆ နှစ်ပြည့်အကြို အထိမ်းအမှတ် အနေဖြင့် လောင်းလုံးမြို့နယ်၌ ယနေ့ ဇွန်လ ၂၅ ရက် နံနက်ပိုင်းတွင် ဒေသခံ ပြည်သူများက စစ်အာဏာရှင်ဆန့်ကျင်ရေး ဆန္ဒပြခဲ့ကြောင်း သိရသည်။

.



ဆလိုင်းတင်မောင်ဦး သည် ၁၉၆၉ ခုနှစ်မှ ၁၉၇၆ ခုနှစ်ထိ မဆလ တစ်ပါတီအာဏာရှင်စနစ်၊ စစ်အာဏာရှင်စနစ် ဆန့်ကျင်ရေး လှုပ်ရှားမှုများတွင် ဦးဆောင် ပါဝင်ခဲ့သဖြင့် ဖမ်းဆီးခံခဲ့ရပြီး ၁၉၇၆ ခုနှစ်၊ ဇွန်လ ၂၆ ရက်တွင် မြန်မာ့ဆိုရှယ်လစ်လမ်းစဉ်ပါတီ အစိုးရ၏ အင်းစိန်ထောင်တွင်း ကြိုးပေးသတ်ဖြတ်ခြင်းကို ခံခဲ့ရသည်။

.

ယင်းကဲ့သို့ ကြိုးပေး သတ်ဖြတ်ခြင်း မပြုမီ အာဏာရှင်များက စစ်ခုံရုံးတွင် ပြင်ဆင်ချက် တင်လျှင် ပြစ်ဒဏ် လျှော့ပေးမည်ဟု ပြောဆိုခဲ့သော်လည်း ဆလိုင်းတင်မောင်ဦးကမူ " မင်းတို့ စစ်ဖိနပ်အောက်မှာ ငါ ဘယ်တော့မှ ဒူး မထောက်ဘူး" ဟု ရဲဝံ့စွာ တုံ့ပြန်ပြီး အသက်အသေခံခဲ့သူ ဖြစ်ကြောင်း သိရသည်။

Journal Download

Photo of three cats