ကျောက်မဲခရိုင်၊ နောင်ချိုမြို့နယ်ရှိ နောင်ချိုမြို့မဈေးအနီး၌ ယမန်နေ့ ဇွန်လ ၁ ရက်၊ ညပိုင်းက ပေါက်ကွဲမှု ဖြစ်ပွားပြီး အမျိုးသား တစ်ဦး ထိခိုက် ဒဏ်ရာ ရရှိခဲ့ကြောင်း သိရသည်။
.
နောင်ချိုမြို့မဈေး၏ အနောက်တောင်ထောင့် အနီးတွင် ဇွန်လ ၁ ရက်၊ ည ၇ နာရီခွဲခန့်က
ပေါက်ကွဲမှု ဖြစ်ပွားခဲ့ခြင်း ဖြစ်ကာ ပေါက်ကွဲမှု ဖြစ်ပွားပြီးနောက် လူတစ်ဦး လဲကျနေသည်ကို
တွေ့ရှိခဲ့ရကြောင်း ဒေသခံများထံမှ သိရသည်။
.
ပြီးခဲ့သည့် မေလ ၃၁ ရက်၊ နေ့လယ်ပိုင်းကလည်း နောင်ချိုမြို့နယ်ပညာရေးမှူးရုံး၌
ဗုံးပေါက်ကွဲ၍ ၁ ဦး သေဆုံးကာ ၇ ဦး ထိခိုက် ဒဏ်ရာ ရရှိခဲ့ပြီး အဆိုပါ ဗုံးပေါက်ကွဲမှု
ဖြစ်စဉ်များနှင့် ပတ်သက်၍ ပတ်သက်၍ မည်သည့်အဖွဲ့မှ လုပ်ဆောင်သည်ကို မသိရသေးဘဲ စစ်ကောင်စီက
ဒေသခံအချို့ကို စွပ်စွဲ ဖမ်းဆီးထားကြောင်း သိရသည်။
