တောင်ကြီးမြို့နယ်၊ ရွှေညောင်မြို့၊
မင်္ဂလာအောင်မြေရပ်ကွက်၊ နယ်မြေ(၁)နေ ရာအိမ်မှူး တစ်ဦး ယနေ့ ဇွန်လ
၆ ရက်၊ နေ့လယ်ပိုင်းတွင် သေနတ်ဖြင့် ပစ်သတ် ခံခဲ့ရသည်ဟု သိရသည်။
.
ယင်း သေနတ်ဖြင့် ပစ်သတ်ခံရသူမှာ
ဦးကိုကိုမြင့် (ခ) ကိုဂျိုး ဆိုသူ ဖြစ်ပြီး ၎င်းသည် ရာအိမ်မှူး တစ်ဦး
ဖြစ်သကဲ့သို့ တောင်ကြီးမြို့နယ် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ ကော်မတီဝင် ဟောင်း တစ်ဦးလည်း ဖြစ်ကာ ရပ်ကွက် ဘက်စုံခန်းမရှေ့ရှိ
စားပွဲတွင် ထိုင်နေစဉ် အမျိုးသားတစ်ဦးမှ ဆိုင်ကယ်ဖြင့် ရောက်ရှိလာပြီး သေနတ်ဖြင့် ဝင်ရောက်၍
ပစ်ခတ်ခဲ့ရာ ယာဘက်ရင်အုံ နှင့် ဂျိုင်းတို့တွင် ကျည် ထိမှန်ပြီး နေရာတွင်ပင် သေဆုံးသွားခြင်း
ဖြစ်ကြောင်း သိရသည်။
.
လက်ရှိတွင် စစ်ကောင်စီ တပ်ဖွဲ့ဝင်များက စစ်ဆေးမှုများ ပြုလုပ်နေလျက် ရှိပြီး သေနတ်ဖြင့် ပစ်ခတ်သူမှာ မည်သူ ဖြစ်သည်ကို မသိရသေးပေ။
