ရှမ်းပြည်တိုးတက်ရေးပါတီ/ရှမ်းပြည်တပ်မတော် (SSPP/SSA) ဌာနချုပ် ဝမ်းဟိုင်း၌ ယနေ့ မေလ ၂၁ ရက်တွင် (၆၄) နှစ်မြောက် သျှမ်းတော်လှန်ရေးနေ့ အခမ်းအနားကို ပြုလုပ်ခဲ့ကြောင်း သိရသည်။
မိုင်းတုံမြို့နယ်ရှိ တောတွင်း တစ်နေရာ၌ ၁၉၅၈ ခုနှစ်၊ မေလ ၂၁ ရက်တွင် ရှမ်းလူငယ် ၃၁ ဦးတို့သည် နွံစစ်ဟန် (ခေါ်) ရဲရင့်သော ရှမ်းလူမျိုးများအဖွဲ့ အမည်ဖြင့် ရှမ်းပြည် လွတ်မြောက်ရေးအတွက် လက်နက်ကိုင် တော်လှန်ရေးလုပ်ငန်း စတင်ခဲ့သည့်နေ့ကို သျှမ်းတော်လှန်ရေးနေ့ အဖြစ် သတ်မှတ်ခဲ့ခြင်း ဖြစ်ကြောင်း သိရသည်။
