လိန်းလီကြိုးတံတား ဂိတ်စောင့် စစ်ကောင်စီတပ်ကို Pekhon PDF နှင့် KNDF တို့ ဝင်တိုက် - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။ contact; kanbawzatai.editor@gmail.com

လိန်းလီကြိုးတံတား ဂိတ်စောင့် စစ်ကောင်စီတပ်ကို Pekhon PDF နှင့် KNDF တို့ ဝင်တိုက်


ရှမ်းပြည်တောင်ပိုင်း၊ ပင်လောင်းမြို့နှင့် နေပြည်တော်သွား လမ်းမကြီးပေါ်ရှိ လိန်းလီကြိုးတံတား ဂိတ်စောင့် စစ်ကောင်စီတပ်ကို Pekhon PDF နှင့် KNDF တို့က မေလ ၁ ရက်၊ နံနက် အစောပိုင်းတွင် ဝင်ရောက် တိုက်ခိုက်ခဲ့သည်ဟု သိရသည်။

.

ဖယ်ခုံ ပြည်သူ့ကာကွယ်ရေးတပ်၏ တပ်ရင်း(၁)၊ တပ်ရင်း(၂) နှင့် ကရင်နီပြည်သူ့ကာကွယ်ရေးတပ်၏ တပ်ရင်း(၃) တို့ ပါဝင်သည့် ပူးပေါင်းတပ်ဖွဲ့က ဝင်ရောက်ပစ်ခတ်တိုက်ခိုက်ခြင်း ဖြစ်ကြောင်း Pekhon PDF တပ်ရင်း(၂)က ယမန်နေ့တွင် ရုပ်သံမှတ်တမ်းဖြင့် ထုတ်ပြန်ခဲ့ခြင်း ဖြစ်သည်။

.

အဆိုပါ တိုက်ပွဲမှာ နံနက် ၂ နာရီခန့် ကြာမြင့်ခဲ့ပြီး တိုက်ပွဲအတွင်း စစ်ကောင်စီတပ်ဘက်မှ ထိခိုက် ကျဆုံး ဒဏ်ရာ ရရှိမူ များပြားခဲ့ပြီး အရေအတွက်ကိုမူအတည်ပြုနေဆဲ ဖြစ်ကြောင်းနှင့် ပူးပေါင်းတပ်ဖွဲ့ဘက်မှ အထိအခိုက် မရှိဘဲ ပြန်လည်ဆုတ်ခွာနိုင်ခဲ့သည်ဟု ထုတ်ပြန်ချက်တွင် ဖော်ပြထားသည်။

.

စစ်ကောင်စီတပ်၏ အာဘော် Telegram Channel တစ်ခုတွင်မူ လိန်းလီကြိုးတံတားထိပ်၌ တာဝန် ထမ်းဆောင်နေသည့် သစ်တောဝန်ထမ်းများအား PDF များက ဝင်ရောက် တိုက်ခိုက်ခဲ့သည်ဟု ဖော်ပြထားပြီး သစ်တောဝန်ထမ်း ၂ ဦး နှင့် လုပ်သား ၁ ဦး သေဆုံးခဲ့ကြောင်း ဖော်ပြထားသည်ကို တွေ့ရသည်။

Journal Download

Photo of three cats