ကရင်နီအမျိုးသားများကာကွယ်ရေးတပ်(KNDF)၊ တပ်ရင်း (၅) က အမျိုးသမီးအထူးတပ်ခွဲကို
ဖွဲ့စည်းထားသည်ဟု အမျိုးသမီး တပ်ဖွဲ့ဝင်များ၏ မှတ်တမ်းပုံများနှင့် တကွ ယမန်နေ့ မေလ
၂၉ ရက်တွင် ထုတ်ပြန်သည်။
.
အဆိုပါ အမျိုးသမီးအထူးတပ်သားသင်တန်းကို ယခုနှစ် မေလအတွင်း ကရင်နီပြည်
တစ်နေရာ၌ ပြုလုပ်ခဲ့ကြောင်းနှင့် သင်တန်းတွင် အမျိုးသမီးတပ်ဖွဲ့ဝင် ၆၀ ဦးကျော် တက်ရောက်ခဲ့သည်ဟု
KNDF တပ်ရင်း (၅) က ဆိုသည်။
.
ယခု ဖွဲ့စည်းခဲ့သည့် အမျိုးသမီးတပ်ခွဲသည် ကရင်နီအမျိုးသားများကာကွယ်ရေးတပ်၏
တပ်ရင်းများအနက် ပထမဆုံး ဖွဲ့စည်းခဲ့ခြင်း ဖြစ်ကာ အမျိုးသားများနှင့် တန်းတူ စစ်ကောင်စီတပ်ကို
ဆန့်ကျင် တိုက်ပွဲဝင်နေသည့် အမျိုးသမီးများ၏ အခန်းကဏ္ဍကို ပိုမို မြင့်မားလာစေရန် ရည်ရွယ်၍
ဖွဲ့စည်းခဲ့ခြင်း ဖြစ်ကြောင်း သိရသည်။
.
အမျိုးသမီး
တပ်ဖွဲ့ဝင်များကို ခွဲခြားဆက်ဆံခြင်းနှင့် ဖိနှိပ်ခြင်း မရှိပဲ ပေးအပ်သည့် တာဝန်များကို
အမျိုးသား တပ်ဖွဲ့ဝင်များနှင့်တန်းတူ ထမ်းဆောင်နိုင်ရေးအတွက် ရည်ရွယ်သည်ဟုလည်း KNDF
တပ်ရင်း (၅) က ထုတ်ပြန်ထားသည်။
