တောင်ကြီးတက္ကသိုလ်နှင့် နည်းပညာတက္ကသိုလ် တို့မှ CDM ပြုလုပ်ထားသည့် ဝန်ထမ်းများကို ယခုရက်ပိုင်းအတွင်း စစ်ကောင်စီက ဖမ်းဆီးမည်ဟု သတင်း ထွက်နေလျက် ရှိသည်။
.
" တက္ကသိုလ်ထဲက ရာထူး အကြီးပိုင်း ဆရာ/မ ၁၁ ယောက် ဖမ်းဖို့ နာမည် ထွက်နေတယ်။ နာမည်တော့ အတိအကျ မသိရဘူး။ ရာထူး အကြီးပိုင်းလို့ ပြောနေကြပေမဲ့ အငယ်ပိုင်းတွေလည်း ဖြစ်နိုင်တာပဲ။အခြေခံပညာ ဘက်ကဝောာ့ ဘာမှ မကြားသေးဘူး။ " ဟု အမည် မဖော်လိုသူ ဝန်ထမ်း တစ်ဦးက ပြောသည်။
.
CDM ဆရာ/ဆရာမများ အနေဖြင့် ယခု ရက်ပိုင်းအတွင်း သတိထား၍ နေရန် လိုအပ်ပြီး မြို့ပေါ်တွင် နေသည် ဆိုပါက တိမ်းရှောင်ရန် လိုအပ်ကြောင်း ၎င်းက အကြံပြုသည်။
.
ပြီးခဲ့သည့် ရက်ပိုင်းကလည်း CDM ကျန်းမာရေး ဝန်ထမ်းများအား ဖမ်းဆီးမည်ဟု သတင်းများ ထွက်ပေါ်ပြီးနောက် CDM ဆရာဝန် ၃ ဦးကို စစ်ကောင်စီက ဖမ်းဆီးခဲ့သည်။
