ပြည်သူ့ကာကွယ်ရေး ပူပေါင်းတပ်ဖွဲ့နှင့် စစ်ကောင်စီတပ်တို့ ဖယ်ခုံမြို့နယ်၊ အရှေ့ဘက်ခြမ်း၌ မေလ ၁၅ ရက်မှ စတင်၍ ဖြစ်ပွားသည့် ၁၀ ရက်ကြာ တိုက်ပွဲများအတွင်း စစ်ကောင်စီဘက်မှ ၃၀ ဦးထက် မနည်းသေဆုံးခဲ့သည်ဟု KNDF တပ်ရင်း (၃) က ထုတ်ပြန်သည်။
.
KNDF တပ်ရင်း (၃)၊ တပ်ရင်း (၂)၊ တပ်ရင်း (၁၁)၊ ကရင်နီတပ်မတော် (KA)၊ SSRY (ရှမ်းတောင်) ၊ ဖယ်ခုံ PDF တပ်ရင်း (၂) တို့ကပူးပေါင်း တိုက်ခိုက်ခဲ့ခြင်း ဖြစ်ပြီး တိုက်ပွဲများအတွင်း KNDF မှ ၁ ဦး၊ ဖယ်ခုံ PDF တပ်ရင်း (၂) မှ ၂ ဦး ကျဆုံးခဲ့ခြင်း ဖြစ်ကြောင်း သိရသည်။
.
ဆီးမီးလော့ရွာ တောင်ဘက်ရှိ စစ်ကောင်စီ တပ်စခန်းကို ပူးပေါင်းတပ်ဖွဲ့မှ မေလ၂၄ ရက် နံနက် ၄ နာရီခွဲခန့်တွင် သွားရောက် ရှင်းလင်းခဲ့ရာ စစ်ကောင်စီတပ်သားများ ဆုတ်ခွာသွားသော်လည်း မြေမြှုပ်မိုင်း ထောင်ခဲ့ခြင်းကြောင့် ဖယ်ရှား ဖောက်ခွဲဖျက်ဆီးခဲ့ရသည်ဟု KNDF တပ်ရင်း (၃) က ထုတ်ပြန်သည်။
.
ထို့အပြင် အဆိုပါစခန်းကို ရှင်းလင်းနေစဉ် မစစ်ကောင်စီ၏ ခမရ (၄၂၂) တပ်ရင်းမှ လက်နက်ကြီးများဖြင့် ပစ်ခတ်ခဲ့ကြောင်းလည်း သိရသည်။
