ရှမ်းတောင် (၁၀၀၈) တပ်ရင်းမှ အောင်ဇော်ထွန်း (ခ) နောင်ခမ်း သည် ယနေ့ မေလ ၂၉ ရက်၊ ညနေပိုင်းတွင် မိုင်း မတော်တဆ ဖြစ်၍ ကျဆုံးခဲ့ကြောင်း သိရသည်။
.
ကိုနောင်ခမ်း သည် ကလောမြို့တွင် နေထိုင်သူ ဖြစ်ပြီး ၎င်း၏ မိသားစုကို စစ်ကောင်စီက ပြီးခဲ့သည့် မတ်လအတွင်းက အကြောင်းမဲ့ ဖမ်းဆီးထားကြောင်း (၁၀၀၈) တပ်ရင်းက ထုတ်ပြန်သည်။
.
ရှမ်းတောင် (၁၀၀၈) တပ်ရင်းနှင့် KNDF ၊ URF တို့ ပါဝင်သည့် ပူးပေါင်းတပ်သည် ဖယ်ခုံအရှေ့ကမ်း၊ လွယ်ပေါကျေးရွာ အရှေ့တောင်ပေါ် စေတီကုန်းနှင့် လက်ဝါးကပ်တိုင် အနီးတစ်ဝိုက်တွင် တပ်စွဲထားသည့် စစ်ကောင်စီတပ်ကို ယမန်နေ့ မေလ ၂၈ ရက်က ဝင်ရောက် တိုက်ခိုက်ခဲ့ကြောင်း သိရသည်။
.
စစ်ကောင်စီတပ်သည် တိုက်ပွဲ ဖြစ်ပွား ပြီးသော်လည်း ကျေးရွာ အတွင်းသို့ လက်နက်ကြီးများဖြင့် ယနေ့ထိ အကြောင်းမဲ့ ပစ်ခတ်ခဲ့သည်ဟုလည်း (၁၀၀၈) တပ်ရင်းက ထုတ်ပြန်သည်။
