တောင်ကြီးမြိုရှိ အထက(၁)ကျောင်း၌ ယနေ့ မေလ ၂၈ ရက်တွင် ကျောင်းအပ်နှံရေးနေ့
အခမ်းအနားကို ပြုလုပ်ခဲ့ကြောင်း သိရသည်။
.
အဆိုပါ အခမ်းအနားသို့ စစ်ကောင်စီခန့် ပညာရေးဝန်ကြီး ဒေါက်တာ ညွန့်ဖေ
အပါအဝင် ရှမ်းပြည်နယ် အစိုးရအဖွဲ့ဝင်များ တက်ရောက်ခဲ့ကြောင်းနှင့် ဒေါက်တာ ညွန့်ဖေ
သည် အထက(၂)၊ အထက(၄)၊ အထက(၇) ကျောင်းတို့ကိုလည်း သွားရောက် စစ်ဆေးခဲ့သည်ဟု သိရသည်။
.
အာဏာသိမ်း စစ်ကောင်စီသည် အခြေခံပညာ ကျောင်းအပ်နှံရေး ရက်သတ္တပတ်အဖြစ်
မေလ ၂၆ ရက်မှ ဇွန်လ ၁ ရက်ထိ သတ်မှတ်၍ ဇွန်လ ၂ ရက်တွင် ကျောင်းများ ဖွင့်လှစ်ရန် စီစဉ်ထားခြင်း
ဖြစ်သည်။
.
အခြေခံပညာကျောင်းသားများသမဂ္ဂများ အပါအဝင် စစ်အာဏာရှင် ဆန့်ကျင်ရေး
အင်အားစုများကလည်း စစ်အာဏာရှင် လက်အောက်တွင် ပညာသင်ယူခြင်း မပြုရန် တိုက်တွန်းထားသည်။
