တောင်ကြီးမြို့ ပြည်သူ့ကာကွယ်ရေးတပ်ဖွဲ့တည်ထောင်ခြင်း တစ်နှစ်ပြည့် အခမ်းအနားကို အကျဉ်းရုံး ပြုလုပ် - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။

တောင်ကြီးမြို့ ပြည်သူ့ကာကွယ်ရေးတပ်ဖွဲ့တည်ထောင်ခြင်း တစ်နှစ်ပြည့် အခမ်းအနားကို အကျဉ်းရုံး ပြုလုပ်


ရှမ်းပြည်နယ်၏ မြို့တော် တောင်ကြီးမြို့ကို အခြေခံ၍ ဖွဲ့စည်း တည်ထောင်ထားသည့် တောင်ကြီးမြို့ပြည်သူ့ကာကွယ်ရေးတပ်ဖွဲ့ (TPDF) တည်ထောင်ခြင်း တစ်နှစ်ပြည့် အခမ်းအနားကို ယနေ့ မေလ ၁၀ ရက်တွင် တောတွင်းတစ်နေရာ၌ အကျဉ်းရုံး ပြုလုပ်ခဲ့ကြောင်း TPDF က ထုတ်ပြန်သည်။

.

စတင် တည်ထောင်ချိန်မှ ယနေ့အထိ သက်ဆိုင်ရာမြို့နယ်ဒေသအလိုက် ပြည်သူ့ကာကွယ်ရေးတပ်ဖွဲ့များနှင့် ပူးပေါင်း၍ အခြေခံစစ်သင်တန်း အပါတ်စဉ်(၄) အထိ အောင်မြင် စွာပို့ချနိုင်ခဲ့သည့်အပြင် စစ်ကောင်စီလက်ပါးစေ၊ ထောက်တိုင်များနှင့် ၎င်းတို့၏ အကျိုးစီးပွားများကို ပစ်မှတ်ထား တိုက်ခိုက်နိုင်ခဲ့သည်ဟု TPDF ၏ ထုတ်ပြန်ချက်၌ ဖော်ပြထားသည်။


ထို့အတူ ရှမ်းပြည်နယ်တောင်ပိုင်းရှိ ပြည်သူ့ကာကွယ်ရေးတပ်ဖွဲ့များ၊ EAOs များနှင့် ပူးပေါင်း၍ စစ်ဆင်ရေးများကို အရှိန်အဟုန်ဖြင့် တိုးမြှင့်လုပ်ဆောင်သွားမည်ဖြစ်ပြီး စစ်အာဏာရှင်စနစ် အမြစ်ပြတ်သည်အထိ တိုက်ပွဲဝင်သွားမည် ဖြစ်ကြောင်း TPDF က ဆိုသည်။

.

TPDF ရပ်တည်နိုင်ရန် အဘက်ဘက်မှ ဝိုင်းဝန်းကူညီပံ့ပိုးပေးကြသော ပြည်သူလူထုများ၊ EAOs များနှင့် သက်ဆိုင်ရာ အဖွဲ့အစည်းများ အားလုံးကို ကျေးဇူးအထူးတင်ရှိကြောင်းကိုလည်း ထုတ်ပြန်ချက်၌ ဖော်ပြထားသည်။

Journal Download

Photo of three cats