ရွာငံမြို့နယ်၌ စစ်ကောင်စီတပ်၏ သတ်ဖြတ်ခြင်း ခံရသူများမှာ အပြစ်မဲ့ စစ်ရှောင်ပြည်သူများ ဖြစ်သည်ဟု YPDF ထုတ်ပြန် - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။

ရွာငံမြို့နယ်၌ စစ်ကောင်စီတပ်၏ သတ်ဖြတ်ခြင်း ခံရသူများမှာ အပြစ်မဲ့ စစ်ရှောင်ပြည်သူများ ဖြစ်သည်ဟု YPDF ထုတ်ပြန်


ဓနုကိုယ်ပိုင်အုပ်ချုပ်ရဒေသ၊ ရွာငံမြို့နယ်၌ စစ်ကောင်စီတပ်၏ သတ်ဖြတ်ခြင်း ခံရသူများမှာ ပဲရင်းတောင်ရွာမှ အပြစ်မဲ့ စစ်ဘေးရှောင်ပြည်သူများ ဖြစ်သည်ဟု ရွာငံပြည်သူ့ကာကွယ်ရေးတပ်ဖွဲ့ (YPDF) က ယနေ့ ဧပြီလ ၂၂ ရက်တွင် ထုတ်ပြန်သည်။

.

ရွာငံမြို့နယ် ပဲရင်းတောင်ကျေးရွာမှ ဖမ်းဆီးခံရသော ပြည်သူများကို အကြမ်းဖက်စစ်ကောင်စီက PDF ဟု အမည်တပ် စွပ်စွဲကာ သတ်ဖြတ်ခဲ့ကြောင်းနှင့် သတ်ဖြတ်ခံရသော ရွာသားများ၏ အမည်များကို အတည်ပြုနေဆဲ ဖြစ်သည်ဟု YPDF က ထုတ်ပြန်ခဲ့ခြင်း ဖြစ်သည်။

.

ရွာငံမြို့နယ်ရှိ ပြည်သူ့ကာကွယ်ရေးတပ်စခန်း တစ်ခုကို ဧပြီလ ၂၀ ရက်၊ နံနက်ပိုင်းတွင် စစ်ကောင်စီတပ်များက အင်အား အလုံးအရင်းဖြင့် လေကြောင်း စစ်ကူဖြင့် ထိုးစစ်ဆင် တိုက်ခိုက်မှု ပြုလုပ်ခဲ့သော်လည်း ရာသီဥတု အခြေအနေအရ PDF တပ်ဖွဲ့ဝင်များသည် ဘေးလွတ်ရာသို့ အထိအခိုက် မရှိဘဲ ဆုတ်ခွာနိုင်ခဲ့ကြောင်း သိရသည်။

.

ယင်း ဖြစ်စဉ်အပေါ် စစ်ကောင်စီအာဘော် Telegram Channel များတွင် ပဲရင်းတောင်ကျေးရွာအား မီးရှို့ဖျက်ဆီးပြီး ထွက်ပြေးတိမ်းရှောင်နေသော PDF များသည် ပဲရင်းတောင် အနောက်ဘက် ၂ မိုင်ခန့် အကွာတွင် ခိုအောင်းနေကြောင်း သတင်းရသဖြင့် တပ်မတော်စစ်ကြောင်းမှ သွားရောက်ရှင်းလင်းရာ တိုက်ပွဲ ဖြစ်ပွားခဲ့ပြီး အကြမ်းဖက် PDF အလောင်း ၆ လောင်း၊ တူးမီး ၂ လက်၊ လက်လုပ်ဗုံး ၄ လုံး၊ မှန်ပြောင်း ၁ လက် သိမ်းဆည်းရမိခဲ့ပြီး တပ်မတော်ဘက်မှ ထိခိုက်မှု မရှိကြောင်း သိရသည်ဟု ဝါဒဖြန့် ဖော်ပြခဲ့ခြင်း ဖြစ်သည်။

Journal Download

Photo of three cats