အရာတော်မြို့နယ် သစ်ကျင်းကြီးရွာရှိ စစ်ကောင်စီတပ်စခန်းကို PDF ပူးပေါင်း တပ်ဖွဲ့ တိုက်ခိုက် သိမ်းပိုက် - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။

အရာတော်မြို့နယ် သစ်ကျင်းကြီးရွာရှိ စစ်ကောင်စီတပ်စခန်းကို PDF ပူးပေါင်း တပ်ဖွဲ့ တိုက်ခိုက် သိမ်းပိုက်


အရာတော်မြို့နယ်၊ သစ်ကျင်းကြီးကျေးရွာရှိ စစ်ကောင်စီ တပ်စခန်းကို PDF ပူးပေါင်းတပ်ဖွဲ့က ယမန်နေ့ ဧပြီလ ၁ ရက်၊ နေ့လယ်ပိုင်းတွင် တိုက်ခိုက် သိမ်းပိုက်ခဲ့သည်ဟု သိရသည်။

.

ZERO ပြောက်ကျား တပ်ဖွဲ့(မြင်းခြံ) နှင့်အတူ သပြေညို၊ FALCON FORCE၊ အရာတော်ဘုန်းနိုင်၊ ပတ္တမြားညီနောင်အဖွဲ့များက လက်နက်ကြီး၊လက်နက်ငယ်များဖြင့် ပစ်ခတ် တိုက်ခိုက်ခဲ့ခြင်း ဖြစ်ပြီး စစ်ကောင်စီဘက်မှ ၇ ဦး သေဆုံး၍ ၅ ဦး ဒဏ်ရာ ရရှိခဲ့ကြောင်း ZERO ပြောက်ကျား တပ်ဖွဲ့(မြင်းခြံ)၏ ထုတ်ပြန်ချက်အရ သိရသည်။


တိုက်ပွဲ ဖြစ်ပွားချိန်မှာ ၂ နာရီကျော် ကြာမြင့်ခဲ့ပြီး တိုက်ပွဲအတွင်း PDF ပူးပေါင်းတပ်ဖွဲ့ဘက်မှ အထိအခိုက် မရှိခဲ့ကြောင်းနှင့် စစ်ကောင်စီက အယောင်ဆောင် အသုံးပြုလျက် ရှိသည့် လူနာတင်ယာဉ် လက်နက်ကြီးထိမှန် ပျက်စီးမီးလောင်ကျွမ်းခဲ့ပြီး ဆိုင်ကယ် ၃ စီး သိမ်းဆည်း ရမိခဲ့သည်ဟု သိရသည်။

Journal Download

Photo of three cats