မြန်မာအမျိုးသားဒီမိုကရေစီ မဟာမိတ်တပ်မတော် (MNDAA) နှင့် စစ်ကောင်စီတပ်တို့ ယနေ့ ဧပြီလ ၃ ရက်၊ နေ့လယ်ပိုင်းတွင် မုန်းကိုး၌ တိုက်ပွဲ ဖြစ်နေကြောင်း MNDAA ၏ သတင်းထုတ်ပြန်ရေး ဖြစ်သည့် The Kokang က ထုတ်ပြန်သည်။
.
MNDAA တပ်မဟာ (၅၁၁) နှင့် စစ်ကောင်စီ၏ တပ်မ(၉၉)၊ တပ်ရင်း (၄၂၀)တို့ မုန်းကိုးခရိုင်၊ ဟူဂန်ကျေးရွာနှင့် ရွှေချစ်ဝင် အကြားတွင် တိုက်ပွဲဖြစ်ပွားနေခြင်း ဖြစ်ကာ ပြီးခဲ့သည့် မတ်လ ၃၀ ရက်ကလည်း ဒါမိုင်းဖိုးရှိ တန်းလဲ၌ နာရီဝက်ကြာ တိုက်ပွဲ ဖြစ်ပွားခဲ့သည်ဟု ထုတ်ပြန်ချက်အရ သိရသည်။
