ကရင်အမျိုးသားအစည်းအရုံး (KNU)၊ တပ်မဟာ (၅) နယ်မြေ၊ ဖာပွန် (မူတြော်) ခရိုင်၌ ဧပြီလ ၁ ရက်မှ ၁၅ ရက်အထိ စစ်ကောင်စီတပ် နှင့် ကရင်အမျိုးသားလွတ်မြောက်ရေးတပ်မတော် (KNLA)တို့ တိုက်ပွဲ ၁၇၄ ကြိမ် ဖြစ်ပွားခဲ့သည်ဟု KNU က ယနေ့ ဧပြီလ ၁၉ ရက်တွင် ထုတ်ပြန်သည်။
.
အဆိုပါ တိုက်ပွဲများအတွင်း စစ်ကောင်စီဘက်မှ ၈၁ ဦး သေဆုံး၍ ၄၄ ဦး ဒဏ်ရာ ရရှိခဲ့ကြောင်းနှင့် KNLA ဘက်မှ ၁ ဦး ကျဆုံးပြီး ၇ ဦး ဒဏ်ရာ ရရှိခဲ့သည်ဟု ထုတ်ပြန်ချက်အရ သိရသည်။
.
ထို့အပြင် စစ်ကောင်စီတပ်သည် လက်နက်ကြီးဖြင့် အချက်ရေ ၄၃၀ ခန့် ပစ်ခတ်ခဲ့ခြင်းကြောင့် အပြစ်မဲ့ပြည်သူ ၂ ဦး သေဆုံးခဲ့ရကာ လူ့အခွင့်အရေး ချိုးဖောက်မှုများကို နေ့စဉ်ရက်ဆက် ပိုမို လုပ်ဆောင်လာနေသည်ဟုလည်း ထုတ်ပြန်ချက်တွင် ဖော်ပြထားသည်။
