ကရင်နီအမျိုးသားကာကွယ်ရေးတပ် (KNDF)၊ တပ်ရင်း(၃)မှ တပ်ဖွဲ့ဝင်များသည် စစ်ကောင်စီ၏ တောင်မဲသင်းဂိတ်ကို အလစ်ဝင်ရောက် တိုက်ခိုက်ခဲ့ရာ စစ်ကောင်စီဘက်မှ ဂိတ်စောင့် ၅ ဦး သေဆုံးခဲ့ကြောင်း KNDF/B-03 က ယနေ့ ဧပြီလ ၁၂ ရက်တွင် ထုတ်ပြန်သည်။
.
ထို့အတူ တိုက်ခိုက်မှုအတွင်း လက်နက် အတို/အရှည် ၄ လက်နှင့် ကျည်ဆန်အချို့ သိမ်းဆည်းရရှိခဲ့ပြီး အကျဆုံး မရှိဘဲ ဆုတ်ခွာနိုင်ခဲ့သည်ဟု ထုတ်ပြန်ချက်တွင် ဖော်ပြပါရှိသည်။
.
တောင်မဲသင်းဂိတ်သည် ဖြတ်သန်း သွားလာနေသော ပြည်သူများကို စစ်ဆေးခြင်း၊ ငွေညှစ်ခြင်း၊ ထိုင်/ထလုပ်ခိုင်းခြင်းနှင့် CDM များကို တွေ့ရှိပါက ကြုံသလို ဖမ်းဆီးလျက်ရှိသော ဂိတ် ဖြစ်သည်ဟု သိရသည်။
