ဖယ်ခုံမြို့နယ်၊ မိုးဗြဲမြို့ တစ်နေရာ၌ ယနေ့ ဧပြီလ ၂၀ ရက်၊ နံနက်ပိုင်းတွင် ပြည်သူ့ကာကွယ်ရေးတပ်ဖွဲ့နှင့် စစ်ကောင်စီတပ်တို့ တိုက်ပွဲ ဖြစ်ပွားခဲ့ပြီး ပြည်သူ့နေအိမ်အချို့ လက်နက်ကြီးကျည် ထိမှန်၍ ပျက်စီးခဲ့ရသည်ဟု မိုးဗြဲပြည်သူ့ကာကွယ်ရေးတပ်က ထုတ်ပြန်သည်။
.
စစ်ကောင်စီတပ်က လက်နက်ကြီးများဖြင့် ရမ်းသမ်း ပစ်ခတ်မှုကြောင့် ပြည်သူ့အိုးအိမ် တချို့ လက်နက်ကြီးကျည် ထိမှန်၍ ထိခိုက်ပျက်စီးမှုများ ရှိခဲ့ကြောင်းနှင့် ဒဏ်ရာရသူ ရှိ/မရှိကိုမူ စုံစမ်းနေဆဲ ဖြစ်သည်ဟု ထုတ်ပြန်ချက်တွင် ဖော်ပြထားသည်။
ပြည်သူများ အနေဖြင့် အသွားအလာ ဆင်ခြင်၍ လုံခြုံသည့် နေရာများတွင် နေထိုင်ပေးရန် နှင့် တိုက်ပွဲဖြစ်ပွားသည့် နေရာ အနီးတဝိုက်သို့ သွားလာခြင်း မပြုရန် ထုတ်ပြန်ချက်တွက် တိုက်တွန်းထားသည်ကိုလည်း တွေ့ရသည်။
