တောင်ကြီးသင်္ကြန် အကျနေ့တွင်လည်း ရေပက် ကစားသူ မရှိသလောက် နည်းပါး - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။

တောင်ကြီးသင်္ကြန် အကျနေ့တွင်လည်း ရေပက် ကစားသူ မရှိသလောက် နည်းပါး


ရှမ်းပြည်နယ်မြို့တော် တောင်ကြီးမြို့၌ ယနေ့ ဧပြီလ ၁၄ ရက် (မဟာသင်္ကြန် အကျနေ့) တွင်လည်း ရေပက်သူ၊ လည်ပတ်သူ၊ ရေ ကစားသူ မရှိသလောက် နည်းပါးဆဲ ဖြစ်ကြောင်း သိရသည်။

.

တောင်ကြီးမြို့၏ အဓိက လမ်းမကြီးများ ဖြစ်သည့် ဗိုလ်ချုပ်အောင်ဆန်းလမ်း၊ အရှေ့မြို့ပတ်လမ်းနှင့် အနောက်မြို့ပတ်လမ်းများ အပါအဝင် အထင်ကရ နေရာအများစုတွင် ရေကစားသူ မရှိဘဲ စစ်ကောင်စီ ဦးဆောင်၍ အိမ်တော်လမ်းဆုံ၌ ပြုလုပ်သည့် ဗဟိုမဏ္ဍပ်တွင်သာ လူ အနည်းငယ် ရှိသည်ဟု ဒေသခံများထံမှ သိရသည်။



" ပုံမှန်အတိုင်း ဆိုရင် မိန်းလမ်း (ဗိုလ်ချုပ်လမ်း) ရယ်နဲ့ မြို့ပတ်လမ်းပေါ်မှာ ဒီနေ့လိုဆို စည်ကားနေပြီ။ အခုကြတော့ တစ်မြို့လုံး ရေပက် ကစားတာတောင် မတွေ့ရဘူး။ စကစ မဏ္ဍပ် (ဗဟိုမဏ္ဍပ်)မှာတော့ နည်းနည်း ရှိတယ်။ ဒေသခံတွေ မပါနိုင်ဘူး။ သူတို့ တပ်ထဲက လူတွေနဲ့ မလာမနေရ ခေါ်ထားသူတွေပဲ ဖြစ်နိုင်တယ်။" ဟု တောင်ကြီးမြို့နေသူ တစ်ဦး က ပြောသည်။

.

သင်္ကြန်ကာလ မတိုင်မီက တောင်ကြီးမြို့ပေါ်တွင် မဏ္ဍပ်အချို့ ဆောက်လုပ်မည်ဟု သတင်းများ ထွက်ပေါ်ခဲ့သော်လည်း ယနေ့တိုင် မည်သည့် သင်္ကြန်မဏ္ဍပ်မှ ဆောက်လုပ်ထားသည်ကို မတွေ့ရသည့် အပြင် ပြည်သူ့စစ်အဖွဲ့များ၏ ငြိမ်းချမ်းရေးမဏ္ဍပ်ပင် မတွေ့ရှိရကြောင်းလည်း သိရသည်။



Journal Download

Photo of three cats