စစ်ကောင်စီတပ်က လက်နက်ကြီးဖြင့် ပစ်ခတ်၍ ဒီးမော့ဆိုမြို့နယ် အရှေ့ဘက်ခြမ်းရှိ ရွာများမှ နေအိမ်များ ထိခိုက် ပျက်စီး - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။

စစ်ကောင်စီတပ်က လက်နက်ကြီးဖြင့် ပစ်ခတ်၍ ဒီးမော့ဆိုမြို့နယ် အရှေ့ဘက်ခြမ်းရှိ ရွာများမှ နေအိမ်များ ထိခိုက် ပျက်စီး


စစ်ကောင်စီတပ်က လက်နက်ကြီးဖြင့် ပစ်ခတ်ခဲ့သဖြင့် ကရင်နီ (ကယား )ပြည်နယ်၊ ဒီးမော့ဆိုမြို့နယ်၊ အရှေ့ဘက်ခြမ်းရှိ ကျေးရွာများမှ ဒေသခံ အရပ်သားပြည်သူများ၏ နေအိမ်များ ပျက်စီးခဲ့ရကြောင်း သိရသည်။

.

ဒီးမော့ဆိုမြို့နယ်၊ ထီးပိုးကလိုးကျေးရွာအုပ်စု၊ ထီးသဲကလိုးနှင့်  ဒေါ်လျားခူ ကျေးရွာများသို့ အာဏာသိမ်း စစ်ကောင်စီတပ်မှ ယမန်နေ့ ဧပြီလ ၄ ရက်၊ နံနက်ပိုင်းတွင် လက်နက်ကြီးများဖြင့် ပစ်ခတ်ခဲ့သဖြင့် နေအိမ်းများ ပျက်စီးခဲ့ရသည့် အပြင် အိမ်မွေးတိရိစ္ဆာန်အချို့ ထိခိုက် သေဆုံးခဲ့ရသည်ဟု ကရင်နီ အမျိုးသားကာကွယ်ရေးတပ် (KNDF) က ထုတ်ပြန်ခဲ့ခြင်း ဖြစ်သည်။


စစ်ကောင်စီတပ်သည် ဒီးမော့ဆိုမြို့နယ်၊ ဒေါစဲကျေးရွာ၊ ဒေါတငူး၊ တနီးလားလဲ၊ ကွိုင်ငံကျေးရွာမျ အတွင်းသို့ ပြီးခဲ့သည့် ရက်ပိုင်းက လက်နက်ကြီးများဖြင့် ပစ်ခတ်ခဲ့ခြင်းကြောင့် ပြည်သူအချို့ ထိခိုက်ဒဏ်ရာ ရရှိကာ ဘာသာရေးအဆောက်အဦနှင့် လူနေအိမ်များ ပျက်ဆီးခဲ့ရသေးသည်။

.

ထို့အပြင် လွိုင်ကော်မြို့၊  ဒေါဥခူရပ်ကွက်(၁၁)တွင်လည်း စစ်ကောင်စီတပ်မှ  ထောင်ထားခဲ့သော  မြေမြုပ်မိုင်း ပေါက်ကွဲမှုကြောင့် ကလေးငယ် ၂ ဦး ထိခိုက် ဒဏ်ရာ ရရှိခဲ့ကြောင်း သိရသည်။

Journal Download

Photo of three cats