သင်္ကြန် အကျနေ့တွင် လွိုင်ကော်မြို့၌ တိုက်ပွဲ ဖြစ်ပွား - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။

သင်္ကြန် အကျနေ့တွင် လွိုင်ကော်မြို့၌ တိုက်ပွဲ ဖြစ်ပွား


ကရင်နီ (ကယား) ပြည်နယ်၊ လွိုင်ကော်မြို့၊ ချိကယ်ရပ်ကွက် အနီးတစ်ဝိုက်တွင် ယနေ့ ဧပြီလ ၁၄ ရက် (သင်္ကြန်အကျနေ့)  နံနက်ပိုင်းက ကရင်နီဒေသခံကာကွယ်ရေး ပူးပေါင်းတပ်ဖွဲ့ နှင့် စစ်ကောင်စီတပ်တို့ တိုက်ပွဲ ဖြစ်ပွားခဲ့ကြောင်း သိရသည်။

.

တိုက်ပွဲအတွင်း ဒဏ်ရာရသူ ပြည်သူများ ရှိ‌နေပြီး လက်နက်ကြီး ‌ပစ်ခတ်သံများလည်း ဆက်တိုက် ထွက်ပေါ်ကြောင်း သိရသော်လည်း အသေးစိတ် အခြေအနေကိုမူ မသိရသေးပေ။

.

အဆိုပါ တိုက်ပွဲ ဖြစ်ပွားနေသည့် ချိကယ် အနီးတစ်ဝိုက်၌ နေထိုင်သူ ပြည်သူများ အနေဖြင့် စစ်ရေး အခြေအနေ ပိုမို တင်းမာလာနိုင်သောကြောင့် စစ်ဘေး ကင်းလွတ်ရာသို့ တတ်နိုင်သမျှ လျင်မြန်စွာ ရွှေ့ပြောင်းကြရန် ကရင်နီအမျိုးသား ကာကွယ်ရေးတပ် (KNDF) တပ်ရင်း(၁၂)က အသိပေး ကြေညာထားသည်။

.

ထို့အပြင် ဒီးမော့ဆိုမြို့နယ်၊ ထီးဖိုးကလိုးအုပ်စုကို စစ်ကောင်စီတပ်က လက်နက်ကြီးဖြင့် ပစ်ခတ်မှုကြောင့် ကျေးရွာအတွင်း လက်နက်ကြီးကျည် ၄ လုံး ကျရောက် ပေါက်ကွဲခဲ့ပြီး တိရစ္ဆာန်အချို့ ထိခိုက်မှု ရှိခဲ့ကြောင်း သိရသည်။

Journal Download

Photo of three cats