အင်တောပြည်သူ့ဆေးရုံ၌ ရေစင် ဆောက်လုပ်ရန် လက်သမားများအား လုပ်အားပေး အဓမ္မ ခေါ်ယူနေ - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။

အင်တောပြည်သူ့ဆေးရုံ၌ ရေစင် ဆောက်လုပ်ရန် လက်သမားများအား လုပ်အားပေး အဓမ္မ ခေါ်ယူနေ


ရပ်စောက်မြို့နယ်၊ အင်တောမြို့ ပြည်သူ့ဆေးရုံ၌ ရေစင် ဆောက်လုပ်ရန်အတွက် မြို့ပေါ်နေ လက်သမားများအား ပြည်သူ့စစ်ခေါင်းဆောင်နှင့် ရပ်ကွက်အုပ်ချုပ်ရေးမှူး တို့က အဓမ္မ လုပ်အားပေး ခေါ်ဆောင်နေသည်ဟု သိရသည်။

.

" ဆေးရုံမှာ ရေစင် ပြုလုပ်ဖို့ ဆိုပြီး လက်သမားတွေကို အာဏာပါဝါ ပြပြီးတော့ အတင်းအဓမ္မ လုပ်အားပေး ခေါ်နေတာပါ။ ပြီးခဲ့တဲ့ လဝက်ခန့်ကကတည်းက စစ်ကောင်စီအစိုးရရဲ့ဘက်ဂျက်ငွေ ကျပြီးပြီလို့ ဆေးရုံမှာ လက်ရှိ တာဝန် ထမ်းဆောင်နေသူတွေဆီကနေ သိရပါတယ်။ အဲဒါကို လုပ်အားပေး ခေါ်ပြီး ခေါ်ခိုင်းနေတာပါ။" ဟု အမည် မဖော်လိုသူ ဌာနဆိုင်ရာ အရာရှိ တစ်ဦးက ပြောသည်။

.

ယင်းကဲ့သို့ အဓမ္မ လုပ်အားပေး ခေါ်ယူမှုကြောင့် လက်သမားများမှာ ဝမ်းရေးအတွက် ငွေရမည့် အလုပ်အား လုပ်ဆောင်လိုသော်လည်း ၎င်းတို့အား ကြောက်ရွံ့ရသည့်အတွက် လုပ်ဆောင်နေရကြောင်း သိရသည်။

.

" ခုလို အရာရာ ဈေး ကြီးနေတဲ့ ခေတ်ပျက်ကြီးထဲမှာ ငွေရမယ့် အလုပ် လုပ်ချင်တာပေါ့။ နီးရာဓါး ကြောက်ရတော့ လုပ်ပေးရမှာပေါ့။ သူတို့က မထင်ရင် မထင်သလို ပြဿနာ ရှာနိုင်တယ်လေ။ " ဟု အင်တောမြို့ခံ လက်သမားဆရာ ကိုစိုင်း (အမည်လွှဲ) က ပြောသည်။

.

အဆိုပါ လုပ်အားပေး အဓမ္မ ခေါ်ဆောင်သူများမှာ ပြည်သူ့စစ်ခေါင်းဆောင် ဦးစောဝင်းနှင့် အမှတ်(၄)ရပ်ကွက် အုပ်ချုပ်ရေးမှူး ဦးဖကိုး တို့ ဖြစ်ကာ ဦးစောဝင်း သည် အင်တောနယ်မြေရဲစခန်းမှ စခန်းမှူး ၏ သတင်းပေး တစ်ဦး ဖြစ်ကာ သိုင်းဆရာ တစ်ဦး ဖြစ်သည်ဟုလည်း သိရသည်။

Journal Download

Photo of three cats