တောင်ကြီးမြို့နယ်မှ ပြည်သူများ နေအိမ် အပြင် ထွက်ပါက မှတ်ပုံတင် ယူပြီး ထွက်ရမည် - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။

တောင်ကြီးမြို့နယ်မှ ပြည်သူများ နေအိမ် အပြင် ထွက်ပါက မှတ်ပုံတင် ယူပြီး ထွက်ရမည်


တောင်ကြီးမြို့နယ် အတွင်းမှ ပြည်သူများ အနေဖြင့် နေအိမ်မှ ပြင်ပသို့ သွားလာပါက နိုင်ငံသားကတ် (မှတ်ပုံတင်) မူရင်းအား ယူဆောင် သွားလာရမည်ဟု စစ်ကောင်စီခန့် အုပ်ချုပ်ရေး ဝန်ထမ်းများက နှိုးဆော်လျက် ရှိ‌ကြောင်း သိရသည်။

.

ပြည်သူများ အနေဖြင့် မနက်ဖြန် ဧပြီလ ၁ ရက်မှစတင်၍ နေအိမ် ပြင်ပသို့ လည်းကောင်း၊ မြို့နယ်ကျော်လွန် ခရီးသွား/လာရာတွင် လည်းကောင်း မှတ်ပုံတင် မူရင်းကို ယူဆောင်ပြီးမှသာ သွား/လာကြရန် ကြေညာထားခြင်း ဖြစ်သည်။

.

ထို့အတူ COVID-19 ရောဂါ ကာကွယ်ဆေး ထိုးနှံ ပြီးစီးကြောင်း လက်မှတ်ကိုပါ မှတ်ပုံတင်နှင့်အတူ တပါတည်း ယူဆောင်ကြရမည်ဟုလည်း ကြေညာထားကြောင်း သိရသည်။

.

ထောက်ခံစာဖြင့် ခရီးသွားလာခြင်း၊ အစစ်ဆေးခံခြင်းများအား ခွင့်ပြုတော့မည် မဟုတ်ဘဲ တရားဝင် ထုတ်ပေးသော မှတ်ပုံတင်အား ပြသ စစ်ဆေးခံရမည် ဖြစ်ကာ ထိုသို့ စစ်ဆေးခြင်းသည် ကိုင်ဆောင်လက်မှတ် တစ်မျိုးမျိုး မရှိသူများအား ရရှိအောင် ဆောင်ရွက် ပေးလို၍ ဖြစ်ကြောင်း အာဏာသိမ်း စစ်ကောင်စီ၏ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာနက အသိပေး ကြေညာထားသည်။

Journal Download

Photo of three cats