နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၏ အနီးကပ်လုံခြုံရေးတာဝန် ထမ်းဆောင်ခဲ့သူ ဒုရဲအုပ် ချယ်ရီထက် သည် ရာဇသတ်ကြီးပုဒ်မ ၅၀၅(က)ဖြင့် ထောင်ဒဏ် ၂ နှစ် ချမှတ်ခံခဲ့ရသည်ဟု သိရသည်။
.
နေပြည်တော် အချုပ်ထောင်ရှိ သီးသန့်တရားရုံး၌ ယနေ့ မတ်လ ၃၁ ရက်တွင် ရုံးထုတ် စစ်ဆေးပြီးနောက် ယင်းကဲ့သို့ အမိန့် ချမှတ်ခဲ့ခြင်း ဖြစ်ကာ ယခင်ကလည်း ရဲစည်းကမ်း ထိန်းသိမ်းရေးဥပဒေဖြင့် ထောင်ဒဏ် ၃ နှစ် ချမှတ်ခံထားရကြောင်း သိရသည်။
.
ဒုရဲအုပ် ချယ်ရီထက်သည် လူမှုကွန်ရက် စာမျက်နှာ၌ ရေးသားခြင်း အပါအဝင် လွှတ်တော်ကိုယ်စားလှယ် ဒေါ်သီရိရတနာနှင့် ဆက်သွယ်ပြောဆိုခြင်းများ ပြုလုပ်ခဲ့သည်ဟု ဆိုကာ အာဏာသိမ်း စစ်ကောင်စီ၏ ဖမ်းဆီးမှုကို ခံခဲ့ရခြင်း ဖြစ်ကြောင်း သိရသည်။
