အာဆီယံအထူးကိုယ်စားလှယ် မတ်လ ၂၀ ရက်တွင် မြန်မာနိုင်ငံသို့ လာရောက်မည် - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။

အာဆီယံအထူးကိုယ်စားလှယ် မတ်လ ၂၀ ရက်တွင် မြန်မာနိုင်ငံသို့ လာရောက်မည်


အာဆီယံအထူးကိုယ်စားလှယ်၊ ကမ္ဘောဒီးယားနိုင်ငံခြားရေးဝန်ကြီး Prak Sokhonn သည် မြန်မာနိုင်ငံသို့ မတ်လ ၂၀ ရက်တွင် လာရောက်မည် ဖြစ်‌ကြောင်း သိရသည်။

.

၎င်းအနေဖြင့် မြန်မာနိုင်ငံသို့ ယခုလ ဒုတိယအပတ်အတွင်း လာရောက်မည် ဖြစ်ပြီး သက်ဆိုင်သူများနှင့် တွေ့ဆုံခြင်း၊ လူသားချင်း စာနာထောက်ထားမှုဆိုင်ရာ အကူအညီများကို ပေးအပ်ရန် တိုးမြှင့်ဆောင်ရွက်သွားမည် ဖြစ်ကြောင်း အာဆီယံအထူးကိုယ်စားလှယ်က ဖေဖော်ဝါရီ ၁၇ ရက်က ပြောဆိုခဲ့ပြီး ယခုတွင် ရက် အတိအကျ ထွက်ပေါ်လာခြင်းဖြစ်သည်။

.

Prak Sokhonn ၏ မြန်မာနိုင်ငံ ခရီးစဉ်သည် ၃ ရက်မှ ၄ ရက်ထိ ကြာမြင့်နိုင်ပြီး ခရီးစဉ်အတွင်း မြန်မာ့အရေး ဖြေရှင်းရန် အာဆီယံ၏ ဘုံသဘောတူညီချက် ၅ ချက်ကို အကောင်အထည် ဖော်ဆောင်ရန် ရှိသည်ဟု သိရသည်။

.

ထို့အပြင် အာဆီယံအထူးကိုယ်စားလှယ်သည် မြန်မာနိုင်ငံ ခရီးစဉ်အတွင်း အာဏာသိမ်း စစ်ကောင်စီ ကိုယ်စားလှယ်များ အပြင် NUG ကိုယ်စားလှယ်များနှင့်လည်း တွေ့ဆုံရန် အာဆီယံနိုင်ငံအချို့က တိုက်တွန်းထားရာ ယင်းအချက်ကို မြန်မာအာဏာသိမ်း စစ်ကောင်စီက ကန့်ကွက်ထားသည်။

Journal Download

Photo of three cats