မိုးဗြဲရှိ စစ်ကောင်စီတပ်စခန်းကို PDF မဟာမိတ် ပူးပေါင်းတပ်ဖွဲ့ ဝင်တိုက် - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။

မိုးဗြဲရှိ စစ်ကောင်စီတပ်စခန်းကို PDF မဟာမိတ် ပူးပေါင်းတပ်ဖွဲ့ ဝင်တိုက်


ဖယ်ခုံမြို့နယ်၊ မိုးဗြဲမြို့‌၊ ညောင်ဝိုင်းရပ်ကွက်ရှိ စစ်ကောင်စီ တပ်စခန်းကို PDF Pekhon နှင့် ဒေသတွင်း မဟာမိတ်တပ်ဖွဲ့တို့ ပူးပေါင်းကာ ယနေ့ ဖေဖော်ဝါရီလ ၁၇ ရက်၊ နံနက် အစောပိုင်းတွင် ဝင်ရောက် တိုက်ခိုက်ခဲ့ကြောင်း သိရသည်။

.

တိုက်ပွဲအတွင်း စစ်ကောင်ဘက်က ဒဏ်ရာရ/သေဆုံးမှု များပြားနိုင်သော်လည်း အတိအကျ မသိရကြောင်းနှင့် PDF မှ တပ်ဖွဲ့ဝင်တစ်ဦး ထိခိုက်ဒဏ်ရာ ရခဲ့သည်ဟု PDF Pekhon က ထုတ်ပြန်သည်။

.

စစ်ကောင်စီ တပ်များသည် ဖေဖော်ဝါရီလ ၁၅ ရက်ကတည်းက မိုးဗြဲမြို့တွင်း နေရာအနှံ့တွင် တပ်စွဲကာ လက်နက်ကြီး/ငယ်များဖြင့် ပစ်ခတ်၍ ထိုးစစ်ဆင်နေသဖြင့် ယမန်နေ့က မိုးဗြဲ၊ လွိုင်ကော်၊ ဒီးမော့ဆို PDF ၊ KNDF BO-3၊ KGZ အဖွဲ့တို့ ပူးပေါင်းပြီး တိုက်ခိုက်ရာ တိုက်ပွဲအတွင်း PDF မှ တပ်ဖွဲ့ဝင် ၂ ဦး ထိခိုက်ဒဏ်ရာ ရခဲ့ပြီး စစ်ကောင်စီဘက်မှ ဒဏ်ရာရ/သေဆုံးမှုကို အတိအကျ မသိရကြောင်း မိုးဗြဲ PDF ၏ ထုတ်ပြန်ချက်အရ သိရသည်။

Link - https://youtu.be/J5X_X1h2IM0

Journal Download

Photo of three cats