ဒီးမော့ဆိုမြို့နယ်တွင် တိုက်ပွဲများ ဆက်လက် ဖြစ်ပွား၊ စစ်ကောင်စီဘက်က ၁၀ ဦးထက် မနည်း သေဆုံး - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။ contact; kanbawzatai.editor@gmail.com

ဒီးမော့ဆိုမြို့နယ်တွင် တိုက်ပွဲများ ဆက်လက် ဖြစ်ပွား၊ စစ်ကောင်စီဘက်က ၁၀ ဦးထက် မနည်း သေဆုံး


ကရင်နီ (ကယား) ပြည်နယ်၊ ဒီးမော့ဆိုမြို့နယ်၌ ယမန်နေ့ ဖေဖော်ဝါရီလ ၂၂ ရက်က စစ်ကောင်စီတပ်နှင့် ပြည်သူ့ကာကွယ်ရေးတပ်ဖွဲ့များ တိုက်ပွဲ ဖြစ်ပွားခဲ့ပြီး တိုက်ပွဲအတွင်း စစ်ကောင်စီဘက်က ၁၀ ဦးထက် မနည်း သေဆုံးခဲ့သည်ဟု သိရသည်။

.

ဒီးမော့ဆိုမြို့နယ်၊ လီဝိုးကျေးရွာအနီးနှင့် ဝီသဲကူးကျေးရွာတွင် အင်းအား အလုံးအရင်းဖြင့် ထိုးစစ်ဆင်လာသော စစ်ကောင်စီတပ်နှင့် ပြည်သူ့ကာကွယ်ရေးတပ်-ဒီးမော့ဆို(DMO-Local PDF)၊ လွိုင်ကော်(PDF)၊ KNDF၊ KA နှင့် အခြားတော်လှန်ရေး ပူးပေါင်းတပ်ဖွဲ့များ တိုက်ပွဲ ဖြစ်ပွားခဲ့ခြင်း ဖြစ်ပြီး တိုက်ပွဲအတွင်း စစ်ကောင်စီဘက်က ၁၀ ဦးထက် မနည်း သေဆုံး၍ ထိခိုက်ဒဏ်ရာ ရရှိမှုများ ရှိခဲ့‌ကြောင်းနှင့် 

DMO-Local PDF ဘက်က ထိခိုက်ဒဏ်ရာ ရရှိမှု မရှိ ခုခံတိုက်ခိုက်ခဲ့ကြောင်း DMO-Local PDF က ထုတ်ပြန်ခဲ့ခြင်း ဖြစ်သည်။

.

အဆိုပါ တိုက်ပွဲတွင် စစ်ကောင်စီဘက်က ရဟတ်ယာဉ် ၁ စီးဖြင့် ၅ ကြိမ်ခန့် ပစ်ကူတိုက်ခိုက်ခဲ့သည့်အပြင် တိုက်‌လေယာဉ် ၂ စီးဖြင့် လည်း ၇ ကြိမ်ထက် မနည်း ဗုံးကြဲ တိုက်ခိုက်ခဲ့သည်ဟုလည်း ထုတ်ပြန်ထားသည်။

.

ဒီးမော့ဆိုမြို့နယ်တွင် ၇ ရက်မြောက် တိုက်ပွဲဆက်လက် ပြင်းထန်နေပြီး စစ်ကောင်စီတပ်မှ လေကြောင်း စစ်ကူဖြင့် နေ့စဉ် ဗုံးကြဲ တိုက်ခိုက်ခဲ့သည့်အပြင် တာဝေးပစ် အမြောက်များ အသုံးပြုကာ ပစ်ကူတိုက်ခိုက်ခဲ့ကြောင်းလည်း သိရသည်။

Journal Download

Photo of three cats