မိုးဗြဲ ဝါရီဆူးပလိုင်ရွာတွင် နေအိမ် အများအပြား မီးလောင်နေ - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။

မိုးဗြဲ ဝါရီဆူးပလိုင်ရွာတွင် နေအိမ် အများအပြား မီးလောင်နေ


ရှမ်း - ကရင်နီ (ကယား) နယ်စပ် မိုးဗြဲမြို့ တောင်ဘက်ရှိ ဝါရီဆူးပလိုင်ရွာကို ယနေ့ ဖေဖော်ဝါရီလ ၁၈ ရက်၊ နံနက်ပိုင်းတွင် စစ်ကောင်စီတပ်များက မီးရှို့နေကာ နေအိမ် အများအပြား မီးလောင်နေသည်ဟု PKPF ၏ ထုတ်ပြန်ချက်အရ သိရသည်။

.

ဝါရီဆူးပလိုင်ရွာတွင် အိမ်ခြေပေါင်း ၂၀၀ ခန့် ရှိပြီး နေအိမ်များ ပူးကပ်စွာ တည်ရှိကာ လက်ရှိတွင် မီးလောင်မှု ဆက်လက် ဖြစ်ပွားနေလျက် ရှိကြောင်း သိရသည်။

.

ယမန်နေ့ ဖေဖော်ဝါရီလ ၁၇ ရက်တွင် စစ်ကောင်စီတပ်များနှင့် ဒေသတွင်း ပြည်သူ့ကာကွယ်ရေး ပူးပေါင်းတပ်ဖွဲ့တို့ တိုက်ပွဲ ပြင်းထန်ခဲ့ပြီး စစ်ကောင်စီဘက်က လေကြောင်း ပစ်ကူဖြင့် လက်နက်ကြီးများ အသုံးပြု တိုက်ခိုက်မှုကြောင့် အရပ်သား ပြည်သူ ထိခိုက်ဒဏ်ရာ ရရှိခဲ့သည့်အပြင် နေအိမ်အချို့လည်း ပျက်ဆီး ဆုံးရှုံးခဲ့ရကာ ယနေ့တွင်လည်း တိုက်ပွဲများ ဆက်လက် ဖြစ်ပွားနေသည်ဟု သိရသည်။

Journal Download

Photo of three cats