ရပ်စောက်မြို့နယ်တွင် တိုင်းရင်းသား လက်နက်ကိုင်အဖွဲ့ အချင်းချင်း တိုက်ပွဲ ဖြစ်ပွားနေ - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။ contact; kanbawzatai.editor@gmail.com

ရပ်စောက်မြို့နယ်တွင် တိုင်းရင်းသား လက်နက်ကိုင်အဖွဲ့ အချင်းချင်း တိုက်ပွဲ ဖြစ်ပွားနေ


တောင်ကြီးခရိုင်၊ ရပ်စောက်မြို့နယ်၊ ကျောက်ဂူကျေးရွာ၌ ယနေ့ ဖေဖော်ဝါရီလ ၉ ရက်တွင် တိုင်းရင်းသား လက်နက်ကိုင်အဖွဲ့ အချင်းချင်း တိုက်ပွဲ ဖြစ်ပွားနေသည်ဟု သိရသည်။

.

" ကျောက်ဂူရွာမှာ တိုက်ပွဲ ဖြစ်နေပါတယ်။ မနက်ကတည်းက ဖြစ်နေတာ၊ ခုထိ။" ဟု ဒေသခံ တစ်ဦးက ပြောသည်။

.

တိုင်းရင်းသား လက်နက်ကိုင်အဖွဲ့များ ဖြစ်သည့် RCSS နှင့် မြောက်ပိုင်းမဟာမိတ် တပ်များ တိုက်ပွဲ ဖြစ်ပွားနေကြခြင်း ဖြစ်ပြီး လက်ရှိတွင် ဒေသခံ ပြည်သူများမှာ ကြောက်ရွံ့ထိတ်လန့်၍ ထွက်ပြေး၊ ပုန်းခိုနေကြရသည်ဟု ၎င်း၏ ပြောဆိုချက်အရ သိရသည်။


" ရွာသားတွေ ပြေးတဲ့သူ ပြေးတယ်၊ ပုန်းတဲ့သူ ပုန်းတယ်။ အခု ကိုယ်တိုင် ပြေးနေရပြီ။ မနေ့က ဖြစ်တဲ့ တိုက်ပွဲကတော့ ခုနေ့လောက် မဆိုးဘူး။ ခုက လက်နက်ကြီးနဲ့ပါ ဆော်နေပြီ။" ဟု တိုက်ပွဲကြောင့် ထွက်ပြေးနေရသူ တစ်ဦးက ပြောသည်။

.

" RCSS နဲ့ မြောက်ပိုင်းမဟာမိတ်တပ်တွေ တိုက်ပွဲ ဖြစ်တာလို့ တချို့က ပြောတယ်။ တချို့ကလည်း RCSS နဲ့ SSPP လို့ ပြောကြတယ်။ တိုင်းရင်းသား အဖွဲ့ အချင်းချင်း ဖြစ်တာတော့ မှန်တယ်။" ဟု ဒေသခံ တစ်ဦးက ပြောသည်။

.

ပြီးခဲ့သည့် ရက်ပိုင်းများကလည်း အဆိုပါ ကျောက်ဂူကျေးရွာ အနီးနှင့် နောင်ဝိုးကျေးရွာဘက်တွင် တိုင်းရင်းသား လက်နက်ကိုင်အဖွဲ့ အချင်းချင်း တိုက်ပွဲများ ဖြစ်ပွားခဲ့‌ကာ ယခုတွင် ကျောက်ဂူကျေးရွာအတွင်း၌ပါ တိုက်ပွဲ ဖြစ်ပွားနေသဖြင့် အင်တောမြို့နေသူများပင် စိုးရိမ်ကြနေရသည်ဟု ၎င်းက ဆက်လက် ပြောဆိုသည်။

.

ရပ်စောက်မြို့နယ်၊ နောင်ဖန်ရွာတွင် စစ်ဘေးရှောင်‌နေရသည့် ဒေသခံပြည်သူ ၂၀၀ ကျော် ရှိနေကာ ယခုတွင် ပိုမို များပြားလာနိုင်ကြောင်း သိရသည်။

Journal Download

Photo of three cats