ကော်သူးလေနယ်မြေ၌ ရက်ပေါင်း ၂၀ အတွင်း တိုက်ပွဲ ၆၇ ကြိမ် ဖြစ်ပွားခဲ့ - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။

ကော်သူးလေနယ်မြေ၌ ရက်ပေါင်း ၂၀ အတွင်း တိုက်ပွဲ ၆၇ ကြိမ် ဖြစ်ပွားခဲ့

ကရင်ပြည်နယ်၊ ကရင်အမျိုးသားအစည်းအရုံး (KNU) ကော်သူးလေ အုပ်ချုပ်နယ်မြေအတွင်း ဖေဖော်ဝါရီလ ၁ ရက်မှ ၂၀ ရက်အထိ စစ်ကောင်စီတပ်၊ နယ်ခြားစောင့်တပ် (BGF) တပ်များနှင့် ကရင်အမျိုးသားလွတ်မြောက်ရေးတပ်မတော် (KNLA)၊ ကရင်အမျိုးသားကာကွယ်ရေးတပ်ဖွဲ့ (KNDO) တို့ ကြား တိုက်ပွဲပေါင်း ၆၇ ကြိမ် ဖြစ်ပွားခဲ့သည်ဟု KNU က ထုတ်ပြန်သည်။

.

အဆိုပါ တိုက်ပွဲများအတွင်း စစ်ကောင်စီနှင့် BGF ဘက်မှ ၂၂၇ ဦး သေဆုံးကာ ၁၅၉ ဦး ဒဏ်ရာရခဲ့ပြီး KNLA နှင့် KNDO ဘက်မှ ၅ ဦး ကျဆုံး၍ ၂၀ ဦး ဒဏ်ရာ ရခဲ့ကြောင်း သိရသည်။

.

KNU တပ်မဟာ (၁) နယ်မြေ ဒူးသထူ (သထုံ) ခရိုင်တွင် စစ်ကောင်စီတပ်နှင့် လက်ပါးစေ BGF တပ်ဖွဲ့များသည် ငွေကြေးများ အတင်းအဓမ္မကောက်ခံခြင်း၊ ပစ္စည်းများ အဓမ္မသိမ်းယူခြင်း၊ အဓမ္မ ခိုင်းစေခြင်းများ ပြုလုပ်ခဲ့သည့်အပြင် လက်နက်ကြီးဖြင့် ရမ်းသန်း ပစ်ခတ်ခဲ့၍ ပြည်သူ ၄ ဦး ဒဏ်ရာ ရရှိခဲ့သည်ဟု ထုတ်ပြန်ချက်အရ သိရသည်။

.

ထို့အပြင် KNU တပ်မဟာ (၅) မူတြော် (ဖာပွန်) ခရိုင်၊ ဒွယ်လိုးမြို့နယ်၊ ဘူးသိုမြို့နယ်၊ လူသောမြို့နယ်များ အတွင်းသို့ စစ်ကောင်စီတပ်နှင့် BGF တပ်ဖွဲ့များက လက်နက်ကြီးများ ပစ်ခတ်ခြင်း၊ လေကြောင်းမှ ဗုံးကျဲ တိုက်ခိုက်ခြင်းများလုပ်ဆောင်ခဲ့ခြင်းကြောင့် ဒေသခံ အရပ်သား ပြည်သူများ ထွက်ပြေးတိမ်းရှောင်နေရသည်ဟု လည်း ထုတ်ပြန်ချက်တွင် ဖော်ပြထားသည်။

Journal Download

Photo of three cats