ရှမ်းပြည်နယ်စိုက်ပျိုးရေးစုံညီပွဲတော် ပြုလုပ်ရန် စီစဉ်နေပြီး ပါဝင်ပြသရန် စိုက်ပျိုးရေးကုမ္ပဏီများကို စစ်ကောင်စီက ဖိအားပေးနေ - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။

ရှမ်းပြည်နယ်စိုက်ပျိုးရေးစုံညီပွဲတော် ပြုလုပ်ရန် စီစဉ်နေပြီး ပါဝင်ပြသရန် စိုက်ပျိုးရေးကုမ္ပဏီများကို စစ်ကောင်စီက ဖိအားပေးနေ

တောင်ကြီးခရိုင်၊ ကလောမြို့နယ်၊ ဟဲဟိုးမြို့၊ အင်းခေါင်းကျေးရွာ၌ ရှမ်းပြည်နယ်စိုက်ပျိုးရေးစုံညီပွဲတော် ပြုလုပ်ရန် စစ်ကောင်စီက စီစဉ်နေလျက် ရှိပြီး ပွဲတော်တွင် ပါဝင်ပြသရန် စိုက်ပျိုးရေးကုမ္ပဏီများကို စစ်ကောင်စီက ဖိအားပေးမှုများ ရှိနေသည်ဟု သိရသည်။

.

" အင်းခေါင်းကျေးရွာမှာ ရှမ်းပြည်နယ်စိုက်ပျိုးရေးစုံညီပွဲတော်ကို ၂၀၁၉ ခုနှစ်ကပြုလုပ်ခဲ့သလို ပြုလုပ်ပါမယ်၊ စိုက်ပျိုးရေးနဲ့ဆက်စပ်တဲ့ ကုမ္ပဏီတွေကို ပွဲတော်မှာ ပါဝင်ပြသဖို့ အတင်းအကြပ် ဖိအားပေး တောင်းဆိုထားပါတယ်။" ဟုသတင်းရင်းမြစ် တစ်ဦးက ပြောသည်။

.

အဆိုပါ ရှမ်းပြည်နယ်စိုက်ပျိုးရေးစုံညီပွဲတော်ကို ဖေဖော်ဝါရီလ ၇ ရက်မှ ၉ ရက်ထိ ပြုလုပ်ရန် စီစဉ်ထားခြင်း ဖြစ်ပြီး ပွဲတော်တွင် ပါဝင် ပြသရန် စိုက်ပျိုးရေးကုမ္ပဏီများကို စစ်ကောင်စီက ဖိအားပေးမှု ရှိနေသကဲ့သို့ ကုမ္ပဏီအချို့ကလည်း ပါဝင်ပြသရန် ပွဲတော်ဖြစ်မြောက်ရေး တာဝန်ရှိသူများကို ဆက်သွယ်ထားကြသည်ဟု ၎င်းထံမှ သိရသည်။

.

လက်ရှိတွင် ပွဲတော်ကျင်းပမည့် နေရာကို လုံခြုံရေး တင်းကြပ်၍ ကြိုတင်ပြင်ဆင်မှုများ ဆောင်ရွက်နေကြောင်းလည်း သိရသည်။

.

ပထမဦးဆုံး အကြိမ်အဖြစ် ရှမ်းပြည်နယ်စိုက်ပျိုးရေး စုံညီပွဲတော်ကို အင်းခေါင်းကျေးရွာ၌ ပြီးခဲ့သည့် ၂၀၁၉ ခုနှစ်၊ ဒီဇင်ဘာလ ၂၂ ရက်မှ ၂၄ ရက်ထိ ကျင်းပပြုလုပ်ခဲ့ခြင်း ဖြစ်ကာ ပွဲတော်သို့ ဒုသမ္မတ ဦးဟင်နရီဗန်ထီးယူ တက်ရောက်ခဲ့သည်။

Journal Download

Photo of three cats