တာချီလိတ်မြို့၌ ယနေ့ ဖေဖော်ဝါရီလ ၁ ရက်တွင် ပြုလုပ်သည့် စစ်ကောင်စီ ထောက်ခံပွဲအတွင်း ဗုံးကွဲမှု ဖြစ်ပွားပြီးနောက် စစ်ကောင်စီ လက်အောက်ခံများ၏ လိုက်လံပစ်ခတ်မှုကြောင့် ထောက်ခံပွဲတွင် ပါဝင်သူ ၂ ဦး သေဆုံး၍ အများအပြား ဒဏ်ရာ ရရှိသွားကြောင်း သိရသည်။
.
သေဆုံးသူ ၂ ဦးမှာ အမျိုးသားများ ဖြစ်သည်ဟု သိရသော်လည်း အချက်အလက် အတိအကျကို မသိရသေးဘဲ ဒဏ်ရာ ရသူမှာ ၄၀ ဦးခန့် ရှိနိုင်သည်ဟု သိရသည်။
.
လက်ရှိတွင် ဗုံးဖောက်ခွဲမှုနှင့် ပတ်သက်၍ မည်သည့် အဖွဲ့က ပြုလုပ်သည်ကို မသိရသေးသော်လည်း စစ်ကောင်စီ လက်အောက်ခံ အဖွဲ့များက ရိုက်နှက်ဖမ်းဆီးမှုများ နှင့် စုံစမ်းမှုများ ပြုလုပ်နေကြောင်း သိရသည်။
