စစ်ကောင်စီတပ်က MNDAA (ကိုးကန့်) မန်ရန် နှင့် ရှိကျိကျတောင်တန်း တပ်စခန်းကို လက်နက်ကြီးဖြင့် ၁၀၀ ကျော်ခန့် ပစ်ခတ် - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။

စစ်ကောင်စီတပ်က MNDAA (ကိုးကန့်) မန်ရန် နှင့် ရှိကျိကျတောင်တန်း တပ်စခန်းကို လက်နက်ကြီးဖြင့် ၁၀၀ ကျော်ခန့် ပစ်ခတ်


စစ်ကောင်စီတပ်က MNDAA (ကိုးကန့်) မန်ရန် နှင့် ရှိကျိကျတောင်တန်း တပ်စခန်းကို ဇန်နဝါရီလ ၆ ရက်မှ ၇ ရက်ထိ ၂ ရက်တာအတွင်း လက်နက်ကြီးဖြင့် ၁၀၀ ကျော်ခန့် ပစ်ခတ်ခဲ့ကြောင်း The Kokang ၏ ထုတ်ပြန်ချက်အရ သိရသည်။

.

ထို့အပြင် စက်သေနတ်နှင့် စနိုက်ဘာများကိုပါအသုံးပြု ပစ်ခတ်ခဲ့သဖြင့် MNDAA ဘက်မှ တစ်ဦး ဒဏ်ရာ ရရှိခဲ့သည်ဟု ထုတ်ပြန်သည်။

.

အထူးဒေသ(၁) မုံးကိုး၌ စစ်ကောင်စီတပ်နှင့် MNDAA(ကိုးကန့်)တပ်တို့  တိုက်ပွဲ စတင်ဖြစ်ပွားချိန်မှ စ၍ လက်ရှိအချိန်ထိ စစ်ကောင်စီဘက်မှ ကြည်းတပ်ဖြင့် ထိုးစစ်ဆင် တိုက်ခိုက်မှု မရှိသည့် အခြေအနေတွင် လက်နက်ကြီးများဖြင့် ပစ်ခတ် တိုက်ခိုက်သည်မှာ သုံးလေ့သုံးထ ရှိသည့် စစ်ပရိယာယ်တစ်မျိုး ဖြစ်သည်ဟု သိရသည်။

.

စစ်ကောင်စီတပ်သည် မုံးကိုး‌ဒေသသို့ အင်အား အလုံးအရင်းဖြင့် ဆက်လက် တိုးချဲ့နေသောကြောင့် တိုက်ပွဲမှာ ကာလတို အချိန်အတွင်း၌ ရပ်ဆိုင်းနိုင်မည် မဟုတ်ဟု သုံးသပ်ကြောင်း The Kokang က ထုတ်ပြန်သည်။

Journal Download

Photo of three cats