စစ်ကောင်စီတပ်က MNDAA မန်ရန်တပ်စခန်းကို လက်နက်ကြီးဖြင့် ပစ်ခတ်မှုပေါင်း ၃၀ ကျော် ပြုလုပ်ခဲ့ - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။

စစ်ကောင်စီတပ်က MNDAA မန်ရန်တပ်စခန်းကို လက်နက်ကြီးဖြင့် ပစ်ခတ်မှုပေါင်း ၃၀ ကျော် ပြုလုပ်ခဲ့

မြန်မာအမျိုးသား ဒီမိုကရက်တစ် မဟာမိတ် တပ်မတော် MNDAA (ကိုးကန့်)၏ မုံးကိုး‌ဒေသရှိ မန်ရန်တပ်စခန်းသို့ စစ်ကောင်စီတပ်က လက်နက်ကြီးဖြင့် ပစ်ခတ်မှုပေါင်း ၃၀ ကျော် ပြုလုပ်ခဲ့သည်ဟု The Kokang က ယနေ့ ဇန်နဝါရီလ ၁၂ ရက်တွင် ထုတ်ပြန်သည်။

.

စစ်ကောင်စီတပ်သည် မန်ရန်တပ်စခန်းသို့ ဇန်နဝါရီလ ၈ ရက်မှ ၁၀ ရက်အတွင်း လက်နက်ကြီးကျည် စုစုပေါင်း ၃၀ ကျော်ခန့် ပစ်ခတ် တိုက်ခိုက်ခဲ့သည့်အပြင် စက်သေနတ်ကျည် ၁၅၀ နှင့် စနိုက်ပါရိုင်ဖယ်ဖြင့် ကျည် ၁၅၀ ကျော် ပစ်ခတ်ခဲ့ကြောင်း နှင့် ရှိကျိကျတောင်တန်းကိုလည်း လက်နက်ကြီးကျည် စုစုပေါင်း ၄၀ ကျော်ခန့် ပစ်ခတ် တိုက်ခိုက်ခဲ့သည်ဟု ထုတ်ပြန်ခဲ့ခြင်း ဖြစ်သည်။

.

ထို့အတူ စစ်ကောင်စီတပ်နှင့် MNDAA (ကိုးကန့်) တပ်မဟာ၂၁၁ တို့သည် ဇန်နဝါရီလ ၁၀ ရက်၊ နေ့လယ်ပိုင်းတွင် မူပန်‌ဒေသ၊ ကွမ်းသာ အနောက်တောင်ကုန်း၌ တိုက်ပွဲ ဖြစ်ပွားခဲ့‌ရာ တိုက်ပွဲအတွင်း MNDAA ဘက်က ထိခိုက်မှု မရှိခဲ့ဘဲ စစ်ကောင်စီဘက်က ထိခိုက်/သေဆုံးမှု အခြေအနေကိုလည်း မသိရပေ။

.

ယခု ၂၀၂၂ ခုနှစ်အတွင်း ငြိမ်းချမ်းရေးခြေလှမ်းသစ်များ စတင်မည် ဖြစ်ပြီး နှစ်ဖက်ညှိုနှိုင်းမှုများကြောင့် မကြာမီ ငြိမ်းချမ်းရေးဆွေးနွေးပွဲများ ဖြစ်လာမည်ဟု စစ်ကောင်စီ ဥက္ကဌက ၎င်း၏ နှစ်သစ်မိန့်ခွန်းတွင် ထည့်သွင်း ပြောဆိုခဲ့သော််လည်း လက်တွေ့တွင်မူ တိုင်းရင်းသား လက်နက်ကိုင်အဖွဲ့ အများစု၏ အခြေစိုက်စခန်းများကို ထိုးစစ်ဆင် တိုက်ခိုက်နေလျက်ရှိကြောင်း သိရသည်။

Journal Download

Photo of three cats