ကရင်အမျိုးသားအစည်းအရုံး (KNU) ကော်သူးလေ အုပ်ချုပ်နယ်မြေအတွင်း ဇန်နဝါရီလ ၁ ရက်မှ ၁၅ ရက်အတွင်း ကရင်အမျိုးသားလွတ်မြောက်ရေးတပ်မတော် KNLA၊ ကရင်အမျိုးသားကာကွယ်ရေးတပ် KNDO နှင့် အာဏာသိမ်း စစ်ကောင်စီတပ်တို့ အကြား ပစ်ခတ်တိုက်ခိုက်မှုပေါင်း ၁၈၁ ကြိမ် ဖြစ်ပွားခဲ့ပြီး စစ်ကောင်စီဘက်မှ ၁၅၉ ဦး သေဆုံး၍ ၁၀၂ ဦး ထိခိုက်ဒဏ်ရာ ရရှိခဲ့သည်ဟု KNU က ထုတ်ပြန်သည်။
.
ထို့အတူ တိုက်ပွဲအတွင်း KNLA နှင့် KNDO တို့ဘက်ကလည်း ၁၃ ဦးကျဆုံး၍ ၁၈ ဦး ထိခိုက်ဒဏ်ရာ ရရှိခဲ့ကြောင်း သိရသည်။
.
စစ်ကောင်စီတပ်များနှင့် ၎င်းတို့၏ လက်အောက်ခံ တပ်များသည် ပြည်သူလူထုနေထိုင်ရာ ကျေးရွာများနှင့် လုပ်ငန်းခွင်များအတွင်းသို့ လက်နက်ကြီး ပစ်ချမှုပေါင်း အလုံးရေ ၂၀၀ ကျော် ရှိခဲ့သည့် အပြင် လေယာဉ်ဖြင့် ၇ ကြိမ် ဗုံးကြဲ တိုက်ခိုက်မှု ပြုခဲ့သည်ဟု ထုတ်ပြန်ချက်တွင် ဖော်ပြထားသည်။
.
ယင်းကဲ့သို့ စစ်ကောင်စီတပ်၏ ပစ်ခတ်မှုများကြောင့် အပြစ်မဲ့ပြည်သူ ၇ ဦး သေဆုံးပြီး ၁၉ ဦး ထိခိုက်ဒဏ်ရာ ရရှိခဲ့သည့်အပြင် ပြည်သူလူထု ၅၀၀၀၀ ကျော် စစ်ဘေးရှောင် နေကြရသည်ဟု သိရသည်။
