ဒီးမောဆိုမြို့နယ်၌ တစ်နေကုန် တိုက်ပွဲဖြစ်ပွားခဲ့ရာ စစ်ကောင်စီဘက်က အများအပြား ထိခိုက်ကျဆုံးခဲ့ပြီး KNDF မှ လက်ဖြောင့်တပ်သား တစ်ဦး ကျဆုံးခဲ့ - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။

ဒီးမောဆိုမြို့နယ်၌ တစ်နေကုန် တိုက်ပွဲဖြစ်ပွားခဲ့ရာ စစ်ကောင်စီဘက်က အများအပြား ထိခိုက်ကျဆုံးခဲ့ပြီး KNDF မှ လက်ဖြောင့်တပ်သား တစ်ဦး ကျဆုံးခဲ့


ကရင်နီ (ကယား) ပြည်နယ်၊ ဒီးမော့ဆိုမြို့နယ်၌ ဇန်နဝါရီလ ၂၁ ရက်က တစ်နေကုန် တိုက်ပွဲဖြစ်ပွားခဲ့ပြီး စစ်ကောင်စီဘက်က အများအပြား ထိခိုက် ကျဆုံးခဲ့ပြီး ပြည်သူ့ကာကွယ်ရေးတပ်ဖွဲ့ဝင် လက်ဖြောင့်တပ်သား တစ်ဦး ကျဆုံး၍ ၃ ဦး ထိခိုက်ဒဏ်ရာ ရရှိခဲ့ကြောင်း သိရသည်။

.

ဒီးမော့ဆိုမြို့နယ်၊ ဒေါပိုးစီ၊ ၅မိုင်နှင့် ၆ မိုင်တို့တွင် စစ်ကြောင်းထိုးလာသည့် စစ်ကောင်စီတပ်ကို ကရင်နီတပ်မတော်(KA)၊ KNDF ၊ PDF ပူးပေါင်း မဟာမိတ်များက ခုခံတိုက်ခိုက်ခဲ့၍ တိုက်ပွဲ တစ်နေကုန် ပြင်းထန်စွာ ဖြစ်ပွားခဲ့ပြီး စစ်ကောင်စီတပ်ဘက်မှ အထိနာသောကြောင့် တိုက်လေယာဥ်များဖြင့် ညနေ ၅ နာရီခွဲခန့်နှင့် ည ၉ နာရီခန့်တွင် ပစ်ခတ်တိုက်ခိုက်ခဲ့‌ရာ တိုက်ပွဲအတွင်း စစ်ကောင်စီတပ်ဘက်မှ အများအပြား ထိခိုက်ကျဆုံးခဲ့‌ကြောင်းနှင့် ပူးပေါင်း မဟာမိတ်များဘက်မှ ရဲဘော် ၃ ဦး ထိခိုက်ဒဏ်ရာရခဲ့သည်ဟု KNDF ၏ ယနေ့ ထုတ်ပြန်ချက်အရ သိရသည်။

.

ထို့အတူ ဒီးမော့ဆိုမြို့နယ်၊ အနောက်ဘက်ခြမ်း၊ ဒေါရောက်ခူကျေးရွာအုပ်စု၊ ထီးတူးခူ ကျေးရွာအနီး၌ စစ်ကောင်စီ၏ လေထီးတပ်များ ဆင်းတက်ခဲ့သည့်အပြင် လိုဘာခို ကျေးရွာအနီး၌ စစ်ကောင်စီတပ်များက စစ်ကြောင်းထိုးလာသဖြင့်

KA နှင့် KNDF မှ ခုခံတိုက်ခိုက်ခဲ့ရာ စစ်ကောင်စီတပ်ဘက်မှ ထိခိုက်မှုများ ရှိခဲ့ကြောင်းနှင့် KNDF မှ လက်ဖြောင့်တပ်သား တစ်ဦး ကျဆုံးခဲ့ကြောင်း ထုတ်ပြန်ချက်၌ ဖော်ပြပါရှိသည်။

.

စစ်ကောင်စီတပ်များသည် လွိုင်ကော်မြို့တွင်း ဖြစ်ပွားခဲ့သော တိုက်ပွဲများအတွင်း အပြစ်မဲ့ အရပ်သားပြည်သူ ၁၅ ဦးထက်မနည်းကို အကြောင်းမဲ့ သတ်ဖြတ်ခဲ့သည်ဟုလည်း ထုတ်ပြန်ထားသည်။

Journal Download

Photo of three cats