ကရင်နီ (ကယား)ပြည်နယ်၊ လွိုင်ကော်မြို့ရှိ ခရိုင် ထွေ/အုပ် စုပေါင်းခရိုင်ရုံးမှ စစ်ကောင်စီအဖွဲ့အား ကရင်နီဒီမိုကရက်တစ်တပ်ဦး (KDF)၊ GZ -21 (Loikaw) တို့ ပူးပေါင်း၍ ယနေ့ ဇန်နဝါရီလ ၁၉ ရက်တွင် သွားရောက် တိုက်ခိုက်ခဲ့ကြောင်း သိရသည်။
.
တိုက်ခိုက်မှုအတွင်း ခရိုင်စုပေါင်းရုံး၌ ကင်းပုန်းဝပ်နေသည့် စစ်ကောင်စီအဖွဲ့ ၁၅ ယောက်ခန့် သေဆုံးခဲ့ပြီး အများအပြား ဒဏ်ရာ ရရှိခဲ့သည်ဟု KDF က ထုတ်ပြန်သည်။
.
အဆိုပါ တိုက်ပွဲမှာ အချိန် ၁ နာရီကျော်ကြာ ပြင်းထန်စွာ ဖြစ်ပွားခဲ့ကြောင်းနှင့် အထိနာသည့် စစ်ကောင်စီဘက်က လက်နက်ကြီးဖြင့် ပစ်ခတ်မှုကြောင့် အထိအခိုက် မရှိဘဲ ပြန်လည် ဆုတ်ခွာခဲ့သည်ဟုလည်း ထုတ်ပြန်ချက်တွင် ဖော်ပြထားသည်။
