တောင်ကြီးမြို့၊ မြကန်သာအဝိုင်း အနီး၌ ယနေ့ ဇန်နဝါရီလ ၁၄ ရက်တွင် ကပ်ထားသည့် စစ်အာဏာရှင် ဆန့်ကျင်ရေး စာတန်းအား ဖြုတ်စဉ် ဗုံးပေါက်ကွဲမှု ဖြစ်ပွားခဲ့ပြီး ပေါက်ကွဲမှုကြောင့် စစ်ကောင်စီဘက်က ထိခိုက်မှုများ ရှိကြောင်း TSR ၏ ထုတ်ပြန်ချက်အရ သိရသည်။
.
" နံနက် ၁၀ နာရီခွဲခန့် မြကန်သာအဝိုင်းအနီး သတိပေးစာတန်း လာဖြုတ်ကြသည့် စစ်ကောင်စီမှ စစ်ခွေးများ ပေါက်ကွဲမှုတွင် ထိခိုက်မှုရှိခဲ့သည်ဟု သိရှိရပါသည်။ တောင်ကြီး Local PDF တစ်ဖွဲ့မှ လုပ်ဆောင်ခဲ့ခြင်း ဖြစ်ပါသည်။" ဟု Taunggyi Support Revolution က ထုတ်ပြန်ခဲ့ခြင်း ဖြစ်သည်။
.
ထို့အတူ ပြည်သူများ အနေဖြင့် ဘာမြင်မြင် မကိုင်ကြည့်ရန်နှင့် စကစ (စစ်ကောင်စီ) လုပ်ငန်းများ၊ ရုံးများနှင့် အဝေးဆုံးတွင် နေပေးကြပါရန် မေတ္တာရပ်ခံကြောင်းကိုလည်း ထုတ်ပြန် အသိပေးထားသည်ကို တွေ့ရသည်။
