ကရင်နီ (ကယား)ပြည်နယ်၊ လွိုင်ကော်မြို့ပေါ်ကို စစ်ကောင်စီတပ်က ယနေ့ ဇန်နဝါရီလ ၁၁ ရက်၊ ညနေပိုင်းတွင် တိုက်လေယာဉ် ၂ စီးဖြင့် လေကြောင်းမှ ထပ်မံ တိုက်ခိုက်နေကြောင်း သိရသည်။
.
မိုင်းလုံး၊ ပန်းကန်း တစ်ကြောတွင် ပစ်ခတ်သံများ ကြားနေရခြင်း ဖြစ်ပြီး မြေပြင်တွင်လည်း စစ်ကောင်စီတပ်နှင့် ဒေသခံပြည်သူ့ကာကွယ်ရေး တပ်ဖွဲ့တို့ တိုက်ပွဲများ ဖြစ်ပွားနေသည်ဟု သိရသည်။
.
ကရင်နီ (ကယား)ပြည်နယ် အတွင်း စစ်ကောင်စီဘက်က အင်အား အလုံးအရင်းဖြင့် ကြည်းတပ်၊ လေတပ်များ အသုံးပြု၍ ထိုးစစ်ဆင် တိုက်ခိုက်နေမှုကြောင့် ဒေသခံပြည်သူ အများအပြား နေရပ်စွန့်ခွာ ထွက်ပြေးတိမ်းရှောင်နေကြရသည်။
