အနာဂတ်အတွက် မျှော်လင့်ချက်ကို မစွန့်လွှတ်သည့် မြန်မာပြည်သူများအတွက် အမေရိကန်၏ သန္နိဋ္ဌာန် မပြောင်းလဲဟု နိုင်ငံခြားရေးဝန်ကြီး ပြော - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။ contact; kanbawzatai.editor@gmail.com

အနာဂတ်အတွက် မျှော်လင့်ချက်ကို မစွန့်လွှတ်သည့် မြန်မာပြည်သူများအတွက် အမေရိကန်၏ သန္နိဋ္ဌာန် မပြောင်းလဲဟု နိုင်ငံခြားရေးဝန်ကြီး ပြော


စစ်အာဏာရှင်၏ ကြောက်မက်ဖွယ်ရာနှိပ်စက်ကလူ ပြုမှုများကို ခံစားနေရသည့်တိုင် ပိုမို ကောင်းမွန်သော အနာဂတ်တစ်ခုအတွက်မျှော်လင့်ချက်ကို မစွန့်လွှတ်ကြသည့် မြန်မာပြည်သူများအတွက် အမေရိကန်ပြည်ထောင်စု၏ သန္နိဋ္ဌာန်မှာ ပြောင်းလဲမသွားပါဟု အမေရိကန်နိုင်ငံခြားရေးဝန်ကြီး အန်တိုနီဘလင်ကန်က ထုတ်ပြန်သည်။

.

မြန်မာနိုင်ငံ၏ လွတ်လပ်ရေးနေ့ အခါသမယအတွက် မြန်မာပြည်သူများထံသို့ အမေရိကန်ပြည်ထောင်စုကိုယ်စား လွတ်လပ်ရေးနေ့ဆုတောင်းသဝဏ်လွှာ ပို့သရာတွင် အမေရိကန်နိုင်ငံခြားရေးဝန်ကြီးက ယင်းကဲ့သို့ ထည့်သွင်း ထုတ်ပြန်ခြင်း ဖြစ်သည်။

.

ဒီမိုကရေစီ လမ်းကြောင်းပေါ်ပြန်လည် ရောက်ရှိရေး၊ လူ့အခွင့်အရေးကို လေးစား လိုက်နာရေးနှင့် နိုင်ငံအတွင်း တရားဥပဒေ စိုးမိုးရေးတို့အတွက် ကြိုးပမ်း အားထုတ်နေကြသည့် မြန်မာပြည်သူလူထုကို ဂုဏ်ပြု‌ကြောင်း ထုတ်ပြန်ချက်၌ ဖော်ပြသည်။

.

ထို့အတူ အကြမ်းဖက်မှုများကို ချက်ချင်းရပ်တန့်ရန်၊ မတရားထိန်းသိမ်းထားသူများ အားလုံးကို လွှတ်ပေးရန်နှင့် စစ်မှန်ပြီး အားလုံး ပါဝင်နိုင်သည့် ဒီမိုကရေစီလမ်းကြောင်းပေါ်သို့ မြန်မာနိုင်ငံကို ပြန်လည်ပို့ဆောင်ရန် စစ်အာဏာရှင်ကို  ထပ်မံ တောင်းဆိုသည်ဟုလည်း ဖော်ပြထားသည်။

.

ပုံမှန်အားဖြင့် နိုင်ငံတစ်နိုင်ငံ၏ လွတ်လပ်ရေးနေ့ဆုတောင်း သဝဏ်လွှာကို သက်ဆိုင်ရာနိုင်ငံ၏ အကြီးအကဲများ၊ ခေါင်းဆောင်များ သို့မဟုတ် နိုင်ငံခြားရေးဝန်ကြီးဌာနထံ ပေးပို့လေ့ရှိသော်လည်း ယခုတွင် အမေရိကန်က မြန်မာပြည်သူများထံသို့ ပေးပို့ခြင်း ဖြစ်သည်။

Journal Download

Photo of three cats