တောင်ကြီး မြို့မစျေး မြောက်ဘက်ဝင်ပေါက်ရှိ ရေမြောင်းမှ အနံ့ဆိုးများ ထွက်နေ၍ ဈေးသည်/ဝယ်များ အခက်တွေ့နေ့ - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။

တောင်ကြီး မြို့မစျေး မြောက်ဘက်ဝင်ပေါက်ရှိ ရေမြောင်းမှ အနံ့ဆိုးများ ထွက်နေ၍ ဈေးသည်/ဝယ်များ အခက်တွေ့နေ့

တောင်ကြီးမြို့ မြို့မစျေး မြောက်ဘက်ဝင်ပေါက် အနီးရှိ ရေမြောင်းမှ အနံ့ဆိုးများ ထွက်နေသဖြင့် ဈေးရောင်းချသူများနှင့် ဈေးဝယ်သူများ အခက်အခဲ ဖြစ်ပေါ်နေသည်ဟု သိရသည်။

.

" အိမ်သာ အနံ့တွေ အရမ်းထွက်ပြီး နေ့တိုင်း မခံနိူင်အောင်ကို နံနေပါတယ်။ အရင်ကတော့ အိမ်သာကားနဲ့ တစ်ရက်ကို ၂ ခေါက် သယ်ထုတ်ပါတယ်။အဲအချိန်တုန်းကတော့ အခုလို အနံ့ မထွက်ပါဘူး။ အခုနောက်ပိုင်းကြတော့ အိမ်သာကားနေ့တိုင်း မလာတော့ပါဘူး။ စျေးအိမ်သာက ပြည့်နေတော့ နေ့တိုင်းကားနဲ့ သယ်ထုတ်မှ အဆင်ပြေတာပါ။" ဟု ဈေးရောင်းချသူ တစ်ဦးက ပြောသည်။


ယခင်က စျေးအိမ်သာ ပြည့်နေ‌သည့်အတွက် ကားဖြင့် ပုံမှန် သယ်ထုတ်၍ အနံ့ဆိုးများ မထွက်သော်လည်း ယခုတွင် အိမ်သာကားဖြင့် ပုံမှန် မသယ်ထုတ်သည့်အတွက် အိမ်သာမှ အညစ်ကြေးများသည် စျေး ရေမြောင်းတွင်းသို့ ရောက်ရှိနေခြင်း ဖြစ်ကြောင်း ၎င်း၏ ပြောဆိုမှုအရ သိရသည်။

.

" အဲ့နားက စျေးသည်တွေဆိုရင် စျေးကောင်းကောင်း မရောင်းနိုင်ဘူး။ အရမ်းနံလာတဲ့အချိန်ဆိုရင် အဝေးမှာသွား ရှောင်နေရတယ်။ စျေးလာတဲ့လူတွေဆိုရင်လည်း စျေးပေါက် ရောက်တာနဲ့ နှာခေါင်းပိတ်ပီးတော့ အမြန်သွားရတယ်။ တခြားမြို့က ဧည့်သည်တွေလာရင်လည်းစျေး အဝင်ပေါက် ရောက်တာနဲ့ အိမ်သာအနံ့ကြောင့် စျေးထဲတောင်မဝင်တော့ဘဲ လှည့်ပြန်သွားရတဲ့လူတွေ ရှိပါတယ်။" ဟု ဈေးသည် တစ်ဦးကလည်း ရှင်းပြသည်။

.

လက်ရှိတွင် တောင်ကြီးမြို့ အထင်ကရ မြို့မဈေး အောက်ထပ်ရှိ အိမ်သာများမှာ ပြည့်လျှံ‌နေသည့်အပြင် အိမ်သာများမှာလည်း ညစ်ပတ် နံစော်နေကြောင်း သိရသည်။



Journal Download

Photo of three cats