ကရင်နီ (ကယား) ပြည်နယ် အတွင်းရှိ စာသင်ကျောင်း အချို့တွင် ကရင်နီအမျိုးသားအလံကို လွှင့်ထူထားကြောင်း PKPF သတင်းနှင့်ပြန်ကြားရေးဗျူရို က ယနေ့ ဇန်နဝါရီလ ၂၁ ရက်တွင် ထုတ်ပြန်သည်။
.
" ကရင်နီမှာလည်း တချို့ စာသင်ကျောင်းတွေမှာ ဖက်ဆစ်စစ်တပ် ၂၀၀၈ ခြေဥ အလံဖြုတ်ပြီး ကိုယ့်အမျိုးသားအလံကို လွင့်ထူနေကြတာတွေ တွေ့ရှိရပါတယ်။" ဟု PKPF က ထုတ်ပြန်ခဲ့ခြင်း ဖြစ်သည်။
.
ကရင်နီ (ကယား) ပြည်နယ် အပြင် ရခိုင်ပြည်နယ်နှင့် ချင်းပြည်နယ်ရှိ စာသင်ကျောင်း အချို့တွင်လည်း သက်ဆိုင်ရာ တိုင်းရင်းသားများ၏ အမျိုးသားအလံကို လွှင့်ထူမှုများ ပြုလုပ်နေလျက် ရှိပြီး ယင်းကဲ့သို့ ဆောင်ရွက်မှုအပေါ် ဗမာ အပါအဝင် တိုင်းရင်းသားပြည်သူများက ထောက်ခံကြိုဆိုနေကြသည်ကို တွေ့ရသည်။
