ကရင်အမျိုးသားအစည်းအရုံး (KNU) နယ်မြေ မူတြော်ခရိုင်၊ ဒွယ်လိုးမြို့နယ်အတွင်းသို့ စစ်ကောင်စီတပ်က လေယာဉ်ဖြင့် ယနေ့ ဇန်နဝါရီလ ၁၂ ရက်၊ နံနက် ၁ နာရီကျော်ခန့်တွင် ဗုံးကြဲ တိုက်ခိုက်ခဲ့သဖြင့် ဆေးပေးခန်းများ ထိမှန် ပျက်ဆီးခဲ့ရကြောင်း သိရသည်။
.
ဒွယ်လိုးမြို့နယ်အတွင်းရှိ လယ်ထူဖိုး၊ ဝါးခါဒဲ နှင့် ထွီသီးအူ အနီးအနား နေရာများသို့ အာဏာသိမ်း စစ်ကောင်စီတပ်မှ လေယာဉ် ၃ စင်းဖြင့် ဗုံးကြဲတိုက်ခိုက်ခဲ့ခြင်း ဖြစ်သည်ဟု KNU က ထုတ်ပြန်ခဲ့ခြင်း ဖြစ်သည်။
.
ယင်းကဲ့သို့ စစ်ကောင်စီတပ်မှ လေယာဉ်ဖြင့် ဗုံးကြဲတိုက်ခိုက်မှုကြောင့် လယ်ထူဖိုး၌ ၂ လုံး၊ ထွီသီးအူ၌ ၃ လုံး ကျခဲ့ပြီး လယ်ထူဖိုးဆေးပေးခန်း နှင့် ဝါးခါဒဲဆေးပေးခန်းများ ထိမှန်ပျက်စီးခဲ့ရကြောင်း ထုတ်ပြန်ချက်အရ သိရသည်။
