ရှမ်းပြည်နယ် ဝန်ကြီးချုပ်နှင့် စီမံဘဏ္ဍာဝန်ကြီးကို ထောင်ဒဏ် ၁၆ နှစ်စီ ချမှတ်ခံရ - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။

ရှမ်းပြည်နယ် ဝန်ကြီးချုပ်နှင့် စီမံဘဏ္ဍာဝန်ကြီးကို ထောင်ဒဏ် ၁၆ နှစ်စီ ချမှတ်ခံရ

ရှမ်းပြည်နယ် ဝန်ကြီးချုပ်နှင့် ပြည်နယ်စီမံကိန်းနှင့်ဘဏ္ဍာ‌ရေးဝန်ကြီး တို့ကို ညောင်ရွှေအကျဉ်းထောင်ရှိ စစ်ကောင်စီ လက်အောက်မှ ‌ထောင်တွင်း တရားရုံးက ယ‌နေ့ ဇန်နဝါရီလ ၂၈ ရက်တွင် ထောင်ဒဏ် ၁၆နှစ်စီ ချမှတ်လိုက်ကြောင်း သိရသည်။

.

" ထောင်တွင်း တရားရုံးကနေ ဝန်ကြီးချုပ်ကို အဂတိ ၄ မှုအတွက် တစ်မှုကို ၄ နှစ်စီနဲ့ ၁၆ နှစ်။  ဝန်ကြီး ဦးစိုးညွန့်လွင်ကို အဂတိ ၄ မှုအတွက် ၁၆ နှစ် ချတယ်၊ သူ (ဦးစိုးညွန့်လွင်)က အရင်ကလည်း ၃၈ နှစ် ချပြီးသား။ "ဟု တရားရုံးနှင့် နီးစပ်သူ တစ်ဦးက ပြောသည်။

.

ရှမ်းပြည်နယ်ဝန်ကြီးချုပ် ဒေါက်တာလင်းထွဋ်သည် စစ်ကောင်စီက စွပ်စွဲဖွင့်လှစ်သည့် အဂတိလိုက်စားမှု ၄ မှုအတွက် တစ်မှုလျှင် ၄ နှစ်စီဖြင့် ထောင်ဒဏ် ၁၆ နှစ် ချမှတ်ခံရခြင်းဖြစ်သည်။ 

.

ထို့အတူ ရှမ်းပြည်နယ်စီမံကိန်းနှင့် ဘဏ္ဍာရေးဝန်ကြီး ဦးစိုးညွန့်လွင်သည် စစ်ကောင်စီက စွပ်စွဲဖွင့်လှစ်သည့် အဂတိ ၄ မှုအတွက် ထောင်ဒဏ် ၁၆ နှစ် ချမှတ်ခံရခြင်း ဖြစ်ပြီး ၎င်းကို ယခင်က ထောင်ဒဏ် ၃၈ နှစ် ချမှတ်ထားပြီး ဖြစ်သဖြင့် စုစုပေါင်း ထောင်ဒဏ် ၅၄ နှစ် ရှိပြီ ဖြစ်သည်။

.

ဒေါက်တာ လင်းထွဋ်နှင့် ဦးစိုးညွန့်လွင်တို့သည် ရွေးကောက်ခံ ရှမ်းပြည်နယ် လွှတ်တော် ကိုယ်စားလှယ်များ ဖြစ်ကြပြီး စစ်ကောင်စီ၏ ဖမ်းဆီးမှုကို ခံရပြီးနောက် ယခုကဲ့သို့ ထောင်ဒဏ်များ ချမှတ်ခံရခြင်း ဖြစ်သည်။

Journal Download

Photo of three cats