စစ်ကောင်စီ လက်အောက်ခံ တပ်သားများ၊ ဒလန်၊ သူလျှိုများနှင့် အတူ နေထိုင်သွားလာခြင်း မပြုရန် ရှမ်းတောင် PDF အဖွဲ့များ ထုတ်ပြန် - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။ contact; kanbawzatai.editor@gmail.com

စစ်ကောင်စီ လက်အောက်ခံ တပ်သားများ၊ ဒလန်၊ သူလျှိုများနှင့် အတူ နေထိုင်သွားလာခြင်း မပြုရန် ရှမ်းတောင် PDF အဖွဲ့များ ထုတ်ပြန်


ပြည်သူလူထုများ အနေဖြင့် စစ်ကောင်စီ လက်အောက်ခံ တပ်သားများ၊ ဒလန်၊ သူလျှိုများနှင့် အတူ နေထိုင်ခြင်း၊ အနီးကပ်သွားလာ လှုပ်ရှားခြင်များကို ရှောင်ကျဉ်ရန် ရှမ်းတောင် PDF အဖွဲ့များက ယနေ့ ဒီဇင်ဘာလ ၂၄ ရက်တွင်  ထုတ်ပြန်၍ မေတ္တာရပ်ခံထားသည်။

.

ရွာငံ မြို့ပြပျောက်ကျားတပ်ဖွဲ့၊ တောင်ကြီး ပြည်သူ့ကာကွယ်ရေးတပ်ဖွဲ့၊ အေးသာယာပြည်သူ့ကာကွယ်ရေးတပ်ဖွဲ့၊ ရွှေညောင် ပြည်သူ့ကာကွယ်ရေး တပ်ဖွဲ့တို့ ပူးပေါင်း၍ ဓနုကိုယ်ပိုင်အုပ်ချုပ်ခွင့်ရဒေသ၊ ရွာငံမြို့နယ်၊ နွားဘန်းကြီးကျေးရွာ အနီးရှိ စစ်ကောင်စီ လက်အောက်ခံ သမဝါယမ ကော်ဖီစက်ရုံအား ဒီဇင်ဘာလ ၂၂ ရက်၊ ညနေပိုင်းတွင် စီးနင်း တိုက်ခိုက်ခဲ့သည်ဟု ထုတ်ပြန်ချက်တွင် ဖော်ပြပြီး‌ ယင်းကဲ့သို့ မေတ္တာရပ်ခံခဲ့ခြင်း ဖြစ်သည်။

.

ထို့အပြင် နွားဘန်းကြီးကျေးရွာမှ ဒလန်ဟုကျော်စောသူ အုပ်ချုပ်ရေးမှူး ဦးမျိုးလေးကိုလည်း သုတ်သင် ရှင်းလင်းခဲ့‌ကြောင်းကိုလည်း ထုတ်ပြန်ချက်၌ ဖော်ပြပါရှိသည်။

.

အဆိုပါ တိုက်ခိုက်မှုများ အပြီး ဒီဇင်ဘာလ ၂၃ ရက်၊ ညပိုင်းတွင် နွားဘန်းကြီးကျေးရွာသို့ စစ်ကောင်စီ တပ်ဖွဲ့များ လာရောက်၍ ကျေးရွာနေ ဒေသခံ ပြည်သူများအား စစ်ဆေးခြင်း၊ ရိုက်နှက်ခြင်း၊ ဖမ်းဆီးခြင်းများ ပြုလုပ်ခဲ့သဖြင့် ကျေးရွာနေပြည်သူ အချို့မှာ ထွက်ပြေး တိမ်းရှောင်နေကြရကြောင်း သိရသည်။

Journal Download

Photo of three cats