တိုက်ပွဲ သတင်းယူနေသည့် သတင်းထောက် တစ်ဦး လက်နက်ကြီးကျည် ထိမှန်သေဆုံး - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။ contact; kanbawzatai.editor@gmail.com

တိုက်ပွဲ သတင်းယူနေသည့် သတင်းထောက် တစ်ဦး လက်နက်ကြီးကျည် ထိမှန်သေဆုံး


ကရင်ပြည်နယ်၊ မြ၀တီမြို့ တောင်ဖက်ခြမ်း ထီးမယ်ဝါးခီးကျေးရွာ အနီးတွင် စစ်ကောင်စီတပ်မှ ယမန်နေ့ ဒီဇင်ဘာလ ၂၅ ရက်က လက်နက်ကြီးဖြင့် ပစ်ခတ်မှုကြောင့် တိုက်ပွဲသတင်း ရယူနေသော ဖက်ဒရယ်ဂျာနယ် အယ်ဒီတာ အေစိုင်းကေ သည် လက်နက်ကြီး ကျည် ထိမှန် သေဆုံးခဲ့ကြောင်း သိရသည်။

.

အသက် ၃၈ နှစ်အရွယ် အောင်ပန်းမြို့ ဇာတိ ဖြစ်သူ  (ခ) စိုင်းဝင်းအောင် သည် သတင်း လုပ်ငန်းများ လုပ်ကိုင်နေစဉ် စစ်ကောင်စီတပ်၏ လက်နက်ကြီးကျည်ကြောင့် ကွယ်လွန်ခဲ့ရခြင်း ဖြစ်ကာ ၎င်း၏ ဈာပနကို ယနေ့တွင် ပြုလုပ်မည် ဖြစ်ကြောင်းနှင့် စစ်ကောင်စီ တပ်၏ ပစ်ခတ်မှုကြောင့် အခြားသူများလည်း ထိခိုက် ဒဏ်ရာ ရမှုများ ရှိကြောင်း သိရသည်။

ပြီးခဲ့သည့် ဒီဇင်ဘာလ ၁၀ ရက်က ငြိမ်သက်ခြင်းသပိတ်အား ဓာတ်ပုံ ရိုက်ကူးမှုကြောင့် ဖမ်းဆီးခံရသည့် အလွတ်တန်းဓာတ်ပုံ သတင်းထောက် ကိုစိုးနိုင် သည်လည်း စစ်ကြောရေးတွင် သေဆုံးခဲ့ရသည်။

.

အာဏာသိမ်း စစ်ကောင်စီသည် သတင်းသမား များကို ပုဒ်မ မျိုးစုံဖြင့် တရားစွဲဆို၊ ဖမ်းဆီး‌နေလျက် ရှိရာ လက်ရှိတွင် ဖမ်းဆီးခံထားရပြီး အမှု ရင်ဆိုင်နေရသည့် သတင်းသမား ၄၀ ဦးခန့်၊ ထောင်ဒဏ်ချမှတ် ခံထားရသည့် သတင်းသမား ၇ ဦးခန့်၊ သေဆုံးသူ ၂ ဦးနှင့် ဖမ်းဝရမ်း ထုတ်ခံထားရသည့် သတင်းသမား အများအပြား ရှိနေသည်။

Journal Download

Photo of three cats