တောင်ကြီးမြို့တွင်း၌ ၁၂ ဘီး၊ ၁၈ ဘီးနှင့် တွဲယာဉ်များအား ရပ်နားခွင့် မပြုတော့ - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။

တောင်ကြီးမြို့တွင်း၌ ၁၂ ဘီး၊ ၁၈ ဘီးနှင့် တွဲယာဉ်များအား ရပ်နားခွင့် မပြုတော့


တောင်ကြီးမြို့ပေါ် ရပ်ကွက်များအတွင်း၌ ၁၂ ဘီး၊ ၁၈ ဘီးယာဉ်နှင့် တွဲယာဉ်များကို ညအိပ် ရပ်နားခြင်း၊ ခေတ္တရပ်နားခြင်းများအားခွင့်ပြု‌တော့မည် မဟုတ်ကြောင်း သိရသည်။

.

ယင်း တားမြစ်ချက်ကို ဒီဇင်ဘာလ ၁၇ ရက်တွင် စတင် ဆောင်ရွက်မည် ဖြစ်ပြီး ပညာပေးကာလအဖြစ် ၅ ရက် သတ်မှတ်ပြီးနောက် မလိုက်နာသည့် မော်တော်ယာဉ်များကို အရေးယူသွားမည်ဟု သိရသည်။

.

“ ဒီဇင်ဘာ ၁၇ ရက်ကနေ ၂၁ ရက် အထိတော့ ပညာပေးကာလ ၅ ရက် သတ်မှတ်ထားပါတယ်။ အဲဒီ နောက်ပိုင်းမှာတော့ အရေးယူသွားမှာ ဖြစ်ပါတယ်” ဟု မြို့နယ် တာဝန်ရှိသူ က ပြောသည်။

.


အဆိုပါ ၁၂ ဘီးယာဉ်နှင့် တွဲယာဉ်များ ရပ်နားခွင့် တားမြစ်မှုကို အစည်းအဝေး ဆုံးဖြတ်ချက်အရ ယာဉ်ကြော မပိတ်စေရန်နှင့် လုံခြုံရေးအတွက် ရည်ရွယ် လုပ်ဆောင်သည်ဟု ၎င်းထံမှ သိရသည်။

.

တောင်ကြီးမြို့ရှိ အနောက်မြို့ပတ်လမ်းသည် ကုန်တင်ယာဉ်များ အဓိက ဖြတ်သန်းမောင်းနှင်ရာ လမ်းဖြစ်ပြီး ကုန်တင်ယာဉ် အချို့သည် လမ်းဘေး ဝဲ/ယာ နှင့် ရပ်ကွက်အတွင်းရှိ လမ်းများပေါ်တွင် ညအိပ်ရပ်နားလေ့ ရှိသည်။

.

“ အဲလို သတ်မှတ်မယ် ဆိုရင်တော့ မြို့ပြင် ထွက်အိပ်ရုံပေါ့။ ညပိုင်း မောင်းရင်လည်း အချိန် ကျော်လို့ ဆိုပြီး ဘာမှန်းမသိ ရစ်တာ ခံရသေးတယ်။ မြို့ထဲမှာ ကုန်တင်/ချ လုပ်တာလည်း ခက်သွားမှာပေါ့။” ဟု ကုန်တင်ယာဉ်မောင်း တစ်ဦးက ပြောသည်။

.

တောင်ကြီးမြို့တွင် ကုန်တင်ယာဉ်များအား စစ်ဆေးရေး အကြောင်းပြကာ လုံခြုံရေးများက ငွေကြေး တောင်းခံ‌နေသည်ဟု ဆိုကာ ဝေဖန်မှုများလည်း ထွက်ပေါ်နေသည်။

Journal Download

Photo of three cats