ကုလသမဂ္ဂ အထူးကိုယ်စားလှယ်ရုံးကို စစ်ကောင်စီက ဆက် ဖွင့်ခွင့် မပြုတော့ - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။

ကုလသမဂ္ဂ အထူးကိုယ်စားလှယ်ရုံးကို စစ်ကောင်စီက ဆက် ဖွင့်ခွင့် မပြုတော့


နေပြည်တော်ရှိ ကုလသမဂ္ဂအတွင်းရေးမှူးချုပ်၏ မြန်မာနိုင်ငံဆိုင်ရာ အထူးကိုယ်စားလှယ်၏ ရုံးခန်းကို ဆက်လက်၍ ဖွင့်ခွင့် မပြုတော့ကြောင်း စစ်ကောင်စီက ဒီဇင်ဘာလ ၂၀ ရက်တွင် ထုတ်ပြန်ခဲ့သည်။

.   

အထူးကိုယ်စားလှယ်သစ် ခန့်အပ်ပြီးနောက် မစ္စ ခရစ္စတင်းရှရာနာ ဘာဂီနာ ၏ နေရာတွင် ဆက်ခံမည် ဖြစ်ကြောင်းနှင့် မစ္စ ဘာဂီနာ ၏ တာဝန် ပြီးဆုံးပြီ ဖြစ်ကြောင်း သိရ၍ ရုံးခန်းကို  မြန်မာနိုင်ငံတွင် ဆက်လက် ထားရှိခြင်း မပြုရန် ဆုံးဖြတ်ခဲ့ကြောင်း စစ်ကောင်စီ၏ နိုင်ငံခြားရေးဝန်ကြီးဌာနမှ ကုလသမဂ္ဂထံ ဒီဇင်ဘာ ၂၀ ရက်က အကြောင်းကြားထားပြီး ဖြစ်‌သည်ဟု ထုတ်ပြန်ချက်၌ ဖော်ပြထားသည်။

.

အဆိုပါ ကုလသမဂ္ဂ အတွင်းရေးမှူးချုပ်၏ မြန်မာနိုင်ငံဆိုင်ရာ အထူးကိုယ်စားလှယ် ရုံးခန်းကို NLD အစိုးရလက်ထက်က ကုလသမဂ္ဂနှင့် ပူးပေါင်း ဆောင်ရွက်မှုကို ပြသသည့် အနေဖြင့် နေပြည်တော်၌ ၂၀၁၈ ခုနှစ်၊ ဒီဇင်ဘာလ ၁၇ ရက်က ဖွင့်လှစ်ခဲ့ခြင်း ဖြစ်သည်။

.

စင်ကာပူ နိုင်ငံသူ ဝါရင့်သံတမန် မစ္စနိုလင်း ဟေဇာကို ကုလသမဂ္ဂ အတွင်းရေးမှူးချုပ်က မစ္စဘာဂီနာ၏ နေရာတွင် မြန်မာနိုင်ငံဆိုင်ရာ အထူးကိုယ်စားလှယ်သစ်အဖြစ် ခန့်အပ်ကြောင်း အောက်တိုဘာ ၁၅ ရက်က ကြေညာထားပြီး မစ္စနိုလင်း ဟေဇာဟာ အနေဖြင့် မြန်မာနိုင်ငံကို လာရောက်ခွင့် မရသေးပေ။

.

လက်ရှိတွင် ကုလသမဂ္ဂ အပါအဝင် နိုင်ငံတကာက အာဏာသိမ်း စစ်ကောင်စီအပေါ် အသိအမှတ် မပြုသည့်အပြင် စစ်ကောင်စီမှ စေလွှတ်သည့် ကိုယ်စားလှယ်ကိုလည်း လက်ခံခြင်း မရှိဘဲ သံအမတ်ကြီး ဦးကျော်မိုးထွန်း ကိုသာ ကုလသမဂ္ဂ၌ မြန်မာကိုယ်စားလှယ်အဖြစ် ဆက်လက် အသိအမှတ်ပြု လက်ခံထားသည်။

Journal Download

Photo of three cats