ဖွင့်ရန် ကျန်သော ရှမ်းပြည်နယ်ရှိ မြို့နယ်များအနက် ၁၄ မြို့နယ်မှ ကျောင်းများ ပြန် ဖွင့် - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။

ဖွင့်ရန် ကျန်သော ရှမ်းပြည်နယ်ရှိ မြို့နယ်များအနက် ၁၄ မြို့နယ်မှ ကျောင်းများ ပြန် ဖွင့်


ဖွင့်လှစ်ရန် ကျန်ရှိသော ရှမ်းပြည်နယ်ရှိ မြို့နယ် ၂၆ ခုအနက် ၁၄ မြို့နယ်မှ အခြေခံပညာ စာသင်ကျောင်းများကို ယမန်နေ့ နိုဝင်ဘာလ ၃၀ ရက်တွင် ပြန်လည် ဖွင့်လှစ်ခဲ့သည်ဟု သိရသည်။

.

ဟိုပုံး၊ ရပ်စောက်၊ ပင်လောင်း၊ လဲချား၊ နမ့်စန်၊ လားရှိုး၊ နောင်ချို၊ ကွတ်ခိုင်၊ နမ့်ခမ်း၊ မဘိမ်း၊ သိန္နီ၊ ကွမ်းလုံ၊ ကျိုင်းတုံနှင့် မိုင်းယောင်းမြို့နယ်တို့မှ အခြေခံပညာကျောင်းများကို ပြန် ဖွင့်ခြင်း ဖြစ်သည်။

.

ရှမ်းပြည်နယ်တွင် COVID-19 ကူးစက်ပျံ့နှံ့မှုကြောင့် ကျောင်းများ ပြန်လည် ဖွင့်လှစ်ခွင့် မရသည့် စုစုပေါင်း ၂၆ မြို့နယ် ရှိသည့် အနက် ယခုတွင် ၁၄ မြို့နယ်ကို ပြန်ဖွင့်ခွင့် ရသဖြင့် ဖွင့်လှစ်ရန် ကျန်ရှိသည့် မြို့နယ် ၁၂ ခု ရှိဦးမည် ဖြစ်သည်။

.

အဆိုပါ ကျောင်းများ ပြန်လည် ဖွင့်လှစ်ခွင့် မရသေးသည့် မြို့နယ်များမှာ ဆီဆိုင်၊ ပင်းတယ၊ မိုးနဲ၊ မိုင်းပန်၊ မောက်မယ်၊ လင်းခေး၊ ကွန်ဟိန်း၊ လွိုင်လင်၊ မိုင်းရှူး၊ မိုင်းဆတ်၊ မိုင်းဖြတ်နှင့် မိုင်းတုံမြို့နယ်တို့ ဖြစ်ကြောင်း သိရသည်။

.

COVID-19 ကြောင့် ပိတ်ထားခဲ့ရသည့် ကျောင်းများကို စစ်ကောင်စီက ဇွန်လတွင် ဖွင့်ခဲ့ပြီး ရောဂါ ကူးစက်မှု များလာတာကြောင့် ပြန်ပိတ်ခဲ့ပြီးနောက် ပြီးခဲ့တဲ့ နိုဝင်ဘာ ၁ ရက်‌တွင် တိုင်းနှင့်ပြည်နယ် ၉ ခုက မြို့နယ် ၄၆ မြို့နယ်မှ အပ ကျန်မြို့နယ်များရှိ ကျောင်းများကို ပြန်ဖွင့်ခဲ့ခြင်း ဖြစ်သည်။

.

လက်ရှိတွင် ပြည်နယ်အတွင်းရှိ စာသင်ကျောင်း အချို့တွင် COVID-19 ရောဂါ ကူးစက်မှုများ တွေ့ရှိနေသည့် အပြင် ဗီဇမျိုးကွဲ Omicron သည် ကမ္ဘာ့နိုင်ငံပေါင်း ၂၀ ခန့်တွင် ကူးစက်မှု စတင်ပျံ့နှံနေစဉ် စာသင်ကျောင်းများ ပြန်လည် ဖွင့်လှစ်မှုအပေါ် ဒေသခံများက ဝေဖန်ပြစ်တင်မှုများ ပြုလုပ်နေကြသည်။

Journal Download

Photo of three cats