ရွာငံမြို့နယ်တွင် ကျပ်သိန်း ၃၀၀၀ တန်ဖိုးရှိ မူးယစ်ဆေးများ ဖမ်းမိ - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။

ရွာငံမြို့နယ်တွင် ကျပ်သိန်း ၃၀၀၀ တန်ဖိုးရှိ မူးယစ်ဆေးများ ဖမ်းမိ


ဓနုကိုယ်ပိုင်အုပ်ချုပ်ခွင့်ရဒေသ၊ ရွာငံမြို့နယ်၌ နိုဝင်ဘာလ ၂၁ ရက်၊ နံနက်ပိုင်းက ငွေကျပ်သိန်း ၃၀၀၀ တန်ဖိုးရှိ မူးယစ်ဆေးများ ဖမ်းမိခဲ့ကြောင်း သိရသည်။

.

ပူးပေါင်းအဖွဲ့သည် ရွာငံမြို့နယ်၊ ရွာငံ-ဟန်မြင့်မိုရ်သွား ကားလမ်း၊ ယုန်တောင်ကျေးရွာ အနီးတွင် ရွာငံမှ ဟန်မြင့်မိုရ်ဘက်သို့ ဇော်မင်းဦး(ခ) တာတေကြီး မောင်းနှင်လာသည့် Probox မော်တော်ယာဉ်ကို ရှာဖွေရာ မော်တော်ယာဉ်အတွင်းမှ ဒေသကာလတန်ဖိုးငွေ ကျပ်သိန်း ၃၀၀၀ တန်ဖိုးရှိ စိတ်ကြွရူးသွပ်ဆေးပြား ၆ သိန်းကို သိမ်းဆည်းရမိခဲ့ခြင်း ဖြစ်ကြောင်း သိရသည်။

.

ထို့အတူ ယင်းနေ့ နေ့လယ်ပိုင်းတွင် တာချီလိတ်မြို့နယ်၊ ဖန်မင်ကျေးရွာအုပ်စု၌ ဒေသကာလ တန်ဖိုးငွေကျပ် ၄၇၉၆ သိန်း တန်ဖိုးရှိ အိုက်စ်(မက်သ်အဖက်တမင်း) ၅၉ ဒသမ ၉၅ ကီလိုကို သိမ်းဆည်းရမိခဲ့ကြောင်းလည်း သိရသည်။

.

အဆိုပါ မူးယစ်ဆေးဝါးများနှင့် ဖမ်းမိသူများကို  ဥပဒေအရ အရေးယူထားပြီး ကွင်းဆက်ပြစ်မှုကျူးလွန်သူများကို ဆက်လက်စစ်ဆေးဖော်ထုတ်လျက်ရှိကြောင်း CCDAC က ထုတ်ပြန်ထားသည်။

Journal Download

Photo of three cats