အာဆီယံ-တရုတ် အစည်းအဝေးကို ယနေ့ နိုဝင်ဘာလ ၂၂ ရက်၊ နံနက်ပိုင်းက စတင်၍ အွန်လိုင်းမှ ပြုလုပ်နေလျက် ရှိရာ ယင်း အစည်းအဝေးသို့ စစ်ကောင်စီ ဥက္ကဌ တက်ရောက်ခွင့် မရခဲ့ကြောင်း သိရသည်
.
အဆိုပါ တရုတ်နိုင်ငံက ကမကထ လုပ် ကျင်းပသည့် အစည်းအဝေးတွင် တရုတ်သမ္မတ ရှီကျင့်ဖျင်က အာဆီယံ - တရုတ် ဆက်ဆံရေး နှစ် ၃၀ ပြည့် မိန့်ခွန်း ပြောဆိုခဲ့သည်။
.
စစ်ကောင်စီကမူ အစည်းအဝေးသို့ တရုတ်နိုင်ငံ အနေဖြင့် မြန်မာနိုင်ငံမှ ကိုယ်စားလှယ်အား ဖိတ်ကြားခဲ့ကြောင်းနှင့် အစည်းအဝေး တက်ရောက်နိုင်ရန် အာဆီယံနိုင်ငံများနှင့် ညှိနှိုင်း ဆောင်ရွက်ပေးခဲ့ကြောင်း ထုတ်ပြန်ထားသည်။
.
ပြီးခဲ့သည့် အောက်တိုဘာလ ၂၆ ရက်က ပြုလုပ်ခဲ့သည့် အာဆီယံထိပ်သီး အစည်းအဝေးတွင်လည်း မြန်မာ စစ်ကောင်စီ ဥက္ကဌ အား အာဆီယံက တက်ခွင့် မပြုဘဲ နိုင်ငံရေးနှင့် မသက်ဆိုင်သူနိုင်ငံခြားရေးဝန်ကြီးဌာန အမြဲတမ်းအတွင်းဝန် ဦးချမ်းအေးကိုသာ အာဆီယံက ဖိတ်ကြားခဲ့သည်။
